TRENDING:
शिंदे गट शिवसेनेचे वैद्यकीय मदत कक्षाचे शहरप्रमुख अजय सपकाळ यांच्या वडिलांसोबत ही घटना घडली.
डॉक्टरांनी सांगितलं, की दोन दिवसात वडील व्यवस्थित होतील. २८ तारखेला ऑपरेशन झालं, वडील व्यवस्थितही झाले. सगळ्यांशी बोलतही होते. मात्र, दोन दिवसातच डॉक्टरांनी त्यांना जबरदस्तीने खुर्चीवर बसवलं, ज्यामुळे त्यांचे टाके तुटले, असा आरोप सपकाळ यांनी केला. या गंभीर घटनेबाबत डॉक्टरांनी कुठलीही माहिती न दिल्याचेही ते म्हणाले. इन्फेक्शन झालं आहे एवढेच सांगत रुग्णाला स्कॅनसाठी नेण्यात आले.
advertisement
अल्सरचं ऑपरेशन झालेल्या रुग्णाच्या फुफ्फुसात पाणी झालं, हे डॉक्टरांनी लपवलं. चुकीची ट्रीटमेंट देऊन माझ्या वडिलांना मारण्यात आलं, असा आरोप त्यांनी केला.
रात्रीची वेळ; रस्त्यावर उभा होता टेम्पो, जवळ जाताच पोलिसांचा संशय खरा ठरला, पुण्यातील थरार
या घटनेची माहिती मिळताच शिंदे गटाचे काही शिवसैनिक घटनास्थळी दाखल झाले. त्यांनी संतप्त नातेवाईकांसोबत मिळून हॉस्पिटल प्रशासनाविरोधात घोषणाबाजी केली. या आंदोलनादरम्यान रुग्णालयाच्या आवारात आणि बाह्यभागात तोडफोड करण्यात आली. जमावाने रुग्णालयाच्या बाहेर बराच वेळ ठिय्या आंदोलन सुरू ठेवलं होतं. रुग्णालयाच्या हलगर्जीपणाच्या आरोपांची सत्यता तपासणीअंती स्पष्ट होईल. परंतु या घटनेने खासगी रुग्णालयातील उपचारांच्या दर्जाबाबत गंभीर प्रश्न उपस्थित केले आहेत.
संबंधित घटनेचा व्हिडीओही समोर आला आहे. यात काही लोक रुग्णालयाच्या काचांवर दगड फेकताना तसंच तोडफोड करताना दिसत आहेत.