रेल्वेचा मोठा निर्णय, पुण्यातून धावणाऱ्या या 3 विशेष गाड्यांना मुदतवाढ, कधीपर्यंत धावणार?

Pune Railway: पुणेकरांसाठी दिलसादायक बातमी आहे. हिवाळी विशेष तीन गाड्यांना मुदतवाढ देण्यात आली असून 25 जादा फेऱ्या चालवण्यात येणार आहेत.

पुणे : हिवाळ्याच्या दिवसांत वाढणारी प्रवासी संख्या लक्षात घेऊन पुणे रेल्वे विभागाने महत्त्वाचा निर्णय घेतला आहे. विभागातून धावणाऱ्या तीन गाड्यांचा कालावधी वाढविण्यात आला असून, अतिरिक्त 25 फेऱ्या चालविण्यात येणार आहेत. या निर्णयामुळे प्रवाशांची होणारी गैरसोय कमी होण्यास मदत होणार आहे.

रेल्वेचा मोठा निर्णय, पुण्यातून धावणाऱ्या या 3 विशेष गाड्यांना मुदतवाढ, कधीपर्यंत धावणार?

गाड्यांच्या फेऱ्यांत वाढ

बिकानेर–साईनगर शिर्डी (क्रमांक 04715) ही साप्ताहिक विशेष गाडी मूळ वेळापत्रकानुसार 29 नोव्हेंबरपर्यंत चालणार होती. मात्र वाढलेल्या प्रवासी संख्येमुळे या गाडीचा कालावधी वाढवण्यात आला असून ती आता 27 डिसेंबरपर्यंत धावेल. त्याच मार्गावरील साईनगर शिर्डी–बिकानेर (गाडी क्रमांक 04716) ही 28 डिसेंबरपर्यंत चालू राहणार आहे.

पुणे विमानतळावरील वेळापत्रक कोलमडलं! प्रवासाआधी हे वाचाच, 30 हून अधिक विमानांना विलंब

दौंड-अजमेर सेवा 26 डिसेंबरपर्यंत

अजमेर–दौंड–अजमेर (गाडी क्रमांक 09625) साप्ताहिक विशेष सेवेच्या फेऱ्यांमध्येही वाढ करण्यात आली आहे. ही गाडी आता 25 डिसेंबरपर्यंत चार अतिरिक्त फेऱ्या घेऊन धावेल. तर दौंड–अजमेर (गाडी क्रमांक 09626) ही 26 डिसेंबरपर्यंत सुरू राहील.

अजमेर सोलापूर सेवा

टॉप व्हिडीओज

सर्व पहा

चिमुकल्याची कमाल! 2 मिनिटांत ओळखले 45 कार ब्रँड्स, बुक ऑफ रेकॉर्ड्समध्ये नोंद

सर्व पहा

अजमेर–सोलापूर–अजमेर (गाडी क्रमांक 09627) या गाडीचा कालावधी 31 डिसेंबरपर्यंत वाढवण्यात आला आहे. सोलापूर–अजमेर (गाडी क्रमांक 09628) ही सेवा 4 ऐवजी 1 जानेवारी 2026 रोजी चालविण्यात येणार आहे.