TRENDING:
पहिला अपघात वारजे पुलावर झाला. एका पिकअप वाहनाने पुढे जाणाऱ्या ट्रकला धडक दिली. या धडकेत काही जण जखमी झाले असून त्यांना उपचारासाठी रुग्णालयात दाखल करण्यात आले आहे. सुदैवाने कोणाचीही प्रकृती गंभीर नसल्याची माहिती आहे. दरम्यान, याच मार्गावर काही अंतरावर दुसरा आणि अधिक गंभीर स्वरूपाचा अपघात घडला. वारजे पुलाजवळ साताऱ्याकडे जाणाऱ्या लेनवर एका ट्रकचा ब्रेक फेल झाल्याने ट्रकने थेट एका ट्रॅव्हलर बससह इतर सहा वाहनांना जोरदार धडक दिली. या साखळी अपघातामुळे रस्त्यावर एकामागोमाग अनेक वाहने एकमेकांवर आदळली.
advertisement
या अपघातात कोणालाही गंभीर दुखापत झाली नसली, तरी काही जण किरकोळ जखमी झाले. अपघातानंतर ट्रक चालकाचे वैद्यकीय परीक्षण करण्यात आले असून त्याच्याविरोधात संबंधित कलमांन्वये गुन्हा दाखल करण्यात आला आहे. दोन्ही अपघातांमुळे चांदणी चौक ते वारजे आणि साताऱ्याच्या दिशेने जाणाऱ्या मार्गावर काही काळ प्रचंड वाहतूक कोंडी झाली होती. वाहतूक पोलिसांनी तत्काळ घटनास्थळी धाव घेत वाहने बाजूला करून वाहतूक सुरळीत करण्याचे प्रयत्न केले. सुमारे काही वेळानंतर वाहतूक हळूहळू पूर्वपदावर आली.