जुन्नरमध्ये दहशत कायम! नदीच्या काठावर गेलेला शेतकरी; अचानक बिबट्यानं झडप घालून मांडी पकडली अन्...

जुन्नर: जुन्नर तालुक्यात बिबट्याची दहशत कायम आहे. पारगाव तर्फे आळे येथे आठ वर्षांच्या मुलाचा बिबट्याच्या हल्ल्यात मृत्यू झाल्याची हृदयद्रावक घटना ताजी असतानाच, आता आणखी एक धक्कादायक घटना समोर आली आहे. यात ओतूर परिसरातील रहाटी मळा येथे पुन्हा एकदा बिबट्याने एका शेतकऱ्याला गंभीर जखमी केलं आहे. ही घटना मंगळवारी सायंकाळी साडेचार वाजण्याच्या सुमारास घडली.