प्रत्येक देवाचे कोणता ना कोणते आवडीचे पदार्थ आवडीचे असतात. तसे स्वामींचे आवडते पदार्थ आहेत. स्वामींना प्रसन्न करण्यासाठी त्यांच्या आवडीचे पदार्थ बनवून त्यांना खाऊ घातले तर ते नक्कीच खूश होतील, प्रसन्न होतील. नैवेद्य म्हटलं की सामान्यपणे गोड पदार्थ येतात. पण स्वामींना तिखट पदार्थही आवडतात आणि तेसुद्धा तुम्ही नैवेद्य म्हणून दाखवू शकता.
advertisement
स्वामींना आवडणारे गोड पदार्थ
स्वामींना आवडणाऱ्या गोड पदार्थांमध्ये सगळ्यात पहिला पदार्थ म्हणजे पुरणपोळी. स्वामींचं पारायण असलं की उद्यापनाला लोक पुरणपोळीच दाखवता. तुम्हही तुपाची धार सोडलेली पुरणपोळी स्वामींना दाखवली तर ते आवडीने खातील.
स्वामींना आवडणारा दुसरा गोड पदार्थ म्हणजे बेसनाचे लाडू. त्यामुळे त्यांच्या प्रसादात बेसनाचे लाडू अवश्य असावेत. खमंग तुपात भाजलेल्या बेसनाचे लाडू ठेवलात तर स्वामींना आवडतील. स्वामी कोणत्या ना कोणत्या रूपात येऊन तो नैवेद्य ग्रहणही करतील.
Shree Swami Samarth : श्री स्वामी समर्थांची मूर्ती घरात ठेवताय, मग हे नियम माहिती हवेत
तसंच बासुंदी पुरी आपण आवडीने खातो. स्वामींनादेखील ती आवडते. खीरही स्वामींच्या आवडीची त्यामुळे तुम्ही खीरपुरीही दाखवू शकता
स्वामींना आवडणारे तिखट पदार्थ
गोड पदार्थांशिवाय आणखी काही दुसरे पदार्थ विशेषतः तिखट काही दाखवायचं असेल तर तुम्ही कांदाभजी, कडबोळी दाखवू शकता. कांदाभजी म्हणताच अनेकांच्या तोंडाला पाणी सुटलं असेल. स्वामींनाही कांदाभजी आवडते. दिवाळीत घराघरात बनणारी कडबोळीही स्वामींना आवडते. स्वामींचे भक्त त्यांच्यासाठी कडबोळी आणायचे आणि स्वामी ती आवडीने खायचे.
स्वामींसाठी एखाद पदार्थ नाही तर संपूर्ण ताट दाखवायचं असेल तर तुम्ही या ताटात नैवेद्य म्हणून, पुरणपोळी खीर, पुरणपोळी आमरास, कांदाभजी, आमटी, भात, पापड असे पदार्थ ठेवू शकता.
पदार्थ नाही भक्तीभाव महत्त्वाचा
स्वामींचे हे पदार्थ आवडीचे आहेत. पण तुम्ही हेच त्यांना नैवेद्य म्हणून द्यायला हवेत असे नाहीत. सणवाराला तुम्ही त्यांच्या आवडीचे पदार्थ दाखवू शकतात पण असा काही नियम नाही. दहीभात, दूधभात पोहे, डाळभात जे तुम्ही तुमच्यासाठी शाकाहारी केलं आहे ते स्वामींना दाखवा. तुम्ही ताटात काय दिलं आहे हे स्वामी कधीच बघत नाही. पदार्थ नाही तर भक्ती आणि भाव महत्त्वाचा ठरतो. तुम्ही किती आवडीने, आनंदाने, प्रेमाने जेवणाचा नैवेद्य देतात ते पाहतात. तुम्ही आवडीने, प्रेमाने जे काही द्याल ते स्वामी खातील. तुम्ही जे दाखवाल ते स्वामींच्या आवडीचे पदार्थ होतील.
Shree Swami Samarth : 'श्री स्वामी समर्थ' जप करताय, पण याचा अर्थ माहितीये का?
(सूचना : ही माहिती सर्वसामान्य माहितीवर आधारित आहे. न्यूज18मराठीने फक्त माहितीसाठी दिली आहे.)