नंदीची स्थापना बजरंगबलीच्या मंदिरात का केली?
महिमापूर गावाच्या मध्यभागी एक 900 वर्ष जुनी पायविहीर आहे. त्याच विहिरीला लागून हनुमंताचे मंदिर आहे. या मंदिरात 4 फूट लांब आणि 3 फूट उंच असा नंदी आपल्याला बघायला मिळतो. हनुमंताच्या मंदिरात नंदी स्थापित करण्यामागचे कारण काय? असे तेथील गावकऱ्यांना विचारल्यास ते सांगतात की, काही वर्षांपूर्वी पायविहिरीचे खोदकाम करत असताना त्यात हा नंदी सापडला. एकाच काळ्या दगडात हा नंदी घडविण्यात आला आहे.
advertisement
Well: महाराष्ट्रातील या गावात आहे 800 वर्षे जुनी विहीर, पाहिल्यावर होईल राजवाड्याचा भास, Video
ज्यावेळी हा नंदी गावकऱ्यांना मिळाला त्यावेळी नंदीचे तोंड, शिंग, शेपूट खंडित केले गेले होते. या नंदीला व्यवस्थित रचना देऊन जवळच असलेल्या हनुमंताच्या मंदिरात या नंदीची स्थापना करण्यात आली. या नंदीसोबत शिवलिंग सुद्धा मिळाले होते. ते सुद्धा काळ्या दगडात कोरलेले आहे. ते सध्या मंदिराच्या बाहेर ठेवण्यात आले.
मंदिरातील या नंदीचे विशेषतः काय?
या नंदीचे विशेष म्हणजे पोळ्याला जसे बैलांना सजविले जाते अगदी त्याचप्रमाणे हा नंदी सजविण्यात आला आहे. या नंदीकडे बघून जिवंत नंदी बघत असल्याचा भास प्रत्येक बघणाऱ्याला होतो. हनुमंताच्या मंदिराजवळ असणाऱ्या पायविहिरीमध्ये अनेक अशा वस्तू सापडल्याचे गावकरी सांगतात. त्यामध्ये नंदी, शिवलिंग आणि देवाच्या मूर्ती यांचा समावेश आहे.
हनुमंताच्या मंदिरातील या नंदीला पोळ्याला मान दिला जातो. सर्व गावकरी त्याची पूजा करतात. एकाच काळ्या दगडात आकर्षक असा हा नंदी घडवलेला आहे. विहिरीसोबतच नंदीला बघण्यासाठी देखील अनेक पर्यटक या ठिकाणी येतात, असे गावकरी सांगतात.