TRENDING:
तिथी आणि शुभ मुहूर्त
यावर्षी आश्विन शुक्ल दशमी 1 ऑक्टोबर सायंकाळी 7:01 वाजता सुरू होईल आणि 2 ऑक्टोबर सायंकाळी 7:10 वाजता समाप्त होईल. उदय तिथीनुसार दसरा 2 ऑक्टोबर रोजी साजरा केला जाईल.
पूजेचा मुख्य मुहूर्त: दुपारी 2:09 ते 2:56
पूजेचा अतिरिक्त मुहूर्त: दुपारी 1:21 ते 3:44
रावण दहनासाठी सर्वात शुभ वेळ प्रदोषकाल मानला जातो. सूर्यास्त सायंकाळी 6:05 असल्याने, यानंतर रावण दहनाची सुरुवात करता येईल.
advertisement
Navratri 2025: नवरात्रीचा उपवास कधी सोडायचा? घट विसर्जन कधी करायचे? जाणून घ्या संपूर्ण माहिती
दसऱ्याचे महत्त्व काय?
हिंदू धर्माच्या मान्यतेनुसार असं मानलं जातं की, त्रेतायुगात अश्विन महिन्याच्या शुक्ल पक्षाच्या दशमीला रामानं रावणाला मारलं होतं. तेव्हापासून दरवर्षी दसऱ्याला रावण दहन करतात. रावणाच्या पुतळ्याला जाळून वाईटावर चांगल्याचा विजय साजरा करतात. दशमी तिथी या गोष्टीचं प्रतीक आहे की अधर्मावर नेहमी धर्माचा विजय होतो.
दसऱ्याच्या दिवशी कोणाची पूजा करावी?
दसऱ्याच्या दिवशी अस्त्र-शस्त्रांची पूजा करण्याची परंपरा आहे. महिषासुरमर्दिनी माता दुर्गेची उपासना करून नवीन काम सुरू करणे लाभदायक ठरते. नवग्रहांचे संतुलन राखण्यासाठी आणि घरातील नकारात्मक ऊर्जा दूर करण्यासाठी हा दिवस अत्यंत शुभ मानला जातो. भगवान श्रीरामाची पूजा देखील महत्त्वाची आहे, ज्यामुळे जीवनातील अडचणी दूर होतात.
पूजा झाल्यानंतर कलशातील पाणी घरभर पसरवावे, जे नकारात्मक ऊर्जा दूर करण्यास मदत करते. तसेच नवरात्रात देवीची पूजा केलेल्या ठिकाणी रात्रभर तुपाचा दिवा लावावा, ज्यामुळे घरात सकारात्मक ऊर्जा टिकून राहते, असे शंकर पाटील गुरुजी सांगतात.