बँकेत ३९ रुपये होते, तेच ड्रीम ११ ला लावले
मंगल सरोजने मार्च महिन्यापासून ड्रीम ११ खेळ खेळायला सुरुवात केली. त्याने आतापर्यंत ७७ वेळा ड्रीम ११ खेळावर पैसे लावले.२९ एप्रिल रोजी, ७८ व्या वेळी, त्याने ३९ रुपये गुंतवून ड्रीम ११ वर खेळ खेळला. विशेष म्हणजे त्याच्या बँक खात्यात तेवढेच पैसे शिल्लक राहिले होते. गेल्या काही दिवसांपासून तो ड्रीम ११ वर एक कोटी रुपये जिंकण्याचे तो स्वप्न पाहत होता. दरम्यान, मंगल सरोजचे स्वप्न सत्यात उतरले.
advertisement
शेतकरी बापाचा लेक करोडपती झाला
मंगल सरोज याचे वडील सुखलाल सरोज हे शेतकरी आहेत. ते दुसऱ्यांच्या शेतीत काम करून कुटुंबाचा उदरनिर्वाह करतात. शेतात जे काही पीक घेतले जाते, त्यातील एक तृतीयांश ते शेतमालकाला देतात आणि उरलेले कुटुंबासाठी ठेवतात.
मंगल प्रसाद सरोज म्हणाला- २ महिन्यांपासून पैसे लावायचो पण रोज हरायचो....
मार्चपासून सतत ४९ रुपये गुंतवून ड्रीम ११ वर खेळ खेळत होतो. प्रत्येक सामना हरलो. पण ३० एप्रिल रोजी जेव्हा चेन्नई आणि पंजाब यांच्यात सामना सुरू होता, तेव्हा खात्यात फक्त ३९ रुपये होते. मी हार मानली नाही, करोडपती होण्यासाठी मी रात्रंदिवस विचार करायचो. अखेर मला यश मिळाले. चेन्नई आणि पंजाब यांच्यातील सामन्यात ३९ रुपये गुंतवून ४ कोटी रुपये जिंकले. जिंकलेले पैसे एखाद्या चांगल्या व्यवसायात गुंतवणूक करण्याचा विचार आहे, जेणेकरून भविष्य सुरक्षित होईल, असे मंगल प्रसाद सरोजने सांगितले.