हर्षित राणाची स्पेशल एन्ट्री
भारतीय खेळाडूंसह, सर्व कर्मचारी देखील मुख्य प्रशिक्षकाच्या घरी जेवणासाठी आले होते पण हर्षित राणा न आल्याने अनेकांना आश्चर्य वाटलं. पण हर्षित राणाने स्पेशल एन्ट्री मारली. टीम इंडियाचा युवा क्रिकेटर हर्षित राणा हा संघाच्या डिनरसाठी प्रशिक्षक गौतम गंभीरच्या घरी खास कारने एकटाच पोहोचला. टीम डिनरसाठी इतर खेळाडू एकत्र आले असताना, हर्षित राणा मात्र वेगळ्या वाहनाने आल्यामुळे सर्वांचे लक्ष त्याच्याकडे वेधले गेले.
advertisement
पाहा Video
टीम इंडियाच्या खेळाडूंना डिनरला बोलव
गौतम गंभीर यांच्या मार्गदर्शनाखाली खेळताना हर्षितने आयपीएलमध्ये चांगली कामगिरी केली आहे. त्यानंतर त्याला टीम इंडियामध्ये जागा मिळाली. गौतम गंभीर दिल्लीचा रहिवासी आहे आणि दिल्लीत त्याचं एक आलिशान घर आहे. भारत आणि वेस्ट इंडिज यांच्यातील दुसरा कसोटी सामना शुक्रवार, 10 ऑक्टोबर रोजी सुरू होईल. त्याआधी त्याने टीम इंडियाच्या खेळाडूंना डिनरला बोलवलं होतं.
दुसरा कसोटी सामना दिल्लीत
दरम्यान, या डिनरच्या निमित्ताने संघातील खेळाडूंमध्ये चांगलं बॉन्डिंग निर्माण होईल, अशी अपेक्षा आहे. भारत आणि वेस्ट इंडिज यांच्यातील दुसरा कसोटी सामना दिल्लीतील अरुण जेटली स्टेडियमवर होईल. भारताने या दोन कसोटी सामन्यांच्या मालिकेतील पहिला सामना आधीच जिंकला आहे आणि संघ 1-0 ने आघाडीवर आहे.