अथर्व तायडेचं खणखणीत शतक
विदर्भाने पहिल्या सात ओव्हरमध्ये एकही विकेट न गमावता 40 रन करत स्थिर सुरूवात केली. पण, रेस्ट ऑफ इंडियाने त्यानंतर वेगवान आक्रमण सुरू केले ज्यामुळे विदर्भाने 80 रनमध्येच 3 विकेट गमावल्या होत्या. यानंतर अथर्व तायडे आणि यश राठोड यांनी चौथ्या विकेटसाठी 184 रनची पार्टनरशीप केली, ज्यामुळे विदर्भाला फक्त अडचणीतून बाहेर काढलं नाही, तर दिवसाच्या शेवटी त्यांना मजबूत स्थितीमध्येही आणलं.
advertisement
दरम्यान, अथर्व तायडेने 240 बॉलमध्ये 12 फोर आणि एका सिक्ससह नाबाद 118 रन केल्या. दिवसाच्या संपूर्ण 84 ओव्हर अथर्व तायडे मैदानात राहिला आणि त्याने विदर्भाचा डाव सावरला. आता दुसऱ्या दिवशी अर्थव तायडेचा आणखी मोठी खेळी करण्याचा प्रयत्न असेल. दरम्यान यश राठोडचं शतक मात्र फक्त 9 रननी हुकलं. यशने 153 बॉलमध्ये 91 रन केले. 74 व्या ओव्हरमध्ये मानव सुतारच्या बॉलिंगवर मोठा शॉट खेळण्याच्या नादात यश आऊट झाला.
दुसरीकडे, रेस्ट ऑफ इंडियाचा फास्ट बॉलर आकाशदीपने आक्रमक सुरुवात केली. त्याने दुसऱ्या ओव्हरमध्येच तायडेला आऊट केलं, पण तो नो-बॉल ठरला. त्यानंतर आकाशदीपने आठव्या ओव्हरमध्ये अमन मोखाडेला विकेट कीपर इशान किशनकडून कॅच करून पहिली विकेट घेतली. पहिल्या दिवशी आकाश दीपने एकूण 2 विकेट्स घेतल्या, तर मानव सुतारने सर्वाधिक 3 विकेट्स मिळवल्या.