चेन्नई सुपर किंग्जने दिलं अधिकृत स्टेटमेंट
चेन्नईला गुरजपनीत सिंगची जागा घेण्यासाठी एका खेळाडूची गरज होती आणि गेल्या मोसमात त्याची जागा ब्रेविसने घेतली होती. अश्विनच्या म्हणण्यानुसार, अनेक संघ या युवा दक्षिण आफ्रिकन फलंदाजाला आपल्या संघात घेण्यासाठी उत्सुक होते, पण सुपर किंग्जने जास्त पैसे देऊन त्याला विकत घेतलं, असं अश्विन आधी म्हणाला होता. त्यावर चेन्नईने अधिकृतरित्या अश्विनचे आरोप फेटाळून लावले होते. त्यानंतर आता अश्विनने भलंमोठं स्पष्टीकरण दिलं आहे.
advertisement
नेमका वाद काय? - CSK वर पुन्हा बॅन लागणार का? R Ashwin च्या सनसनाटी आरोपावर फ्रँचायझीचं उत्तर, 'फ्रॉड डील' प्रकरण आहे काय?
आर अश्विन काय म्हणाला?
आपण अशा काळात जगत आहोत जिथे आपल्याला खऱ्या गोष्टींवरही स्पष्टीकरण द्यावं लागतं. अशा परिस्थितीत ते थोडं कठीण आहे. पण मी त्याबद्दल बोलणार नाही. इथं कोणाचीही चूक नाही. या प्रकरणात स्पष्टीकरण देण्यात आलं आहे कारण अनेकांना शंका होती. मुद्दा असा आहे की खेळाडूची चूक नाही, फ्रँचायझीची चूक नाही आणि कदाचित प्रशासकीय मंडळाचीही चूक नाही, असं अश्विन म्हणाला.
पण सर्वांनी हे समजून घेतलं पाहिजे की जर एखाद्या फ्रँचायझीला खेळाडूची गरज असेल तर फ्रँचायझी त्या खेळाडूशी किंवा खेळाडूच्या एजंटशी बोलते आणि बीसीसीआयला सांगते, पहा, आमचा हा खेळाडू जखमी आहे, आम्हाला दुसऱ्या खेळाडूची गरज आहे. प्रकरण इथेच संपतं, असं अश्विन म्हणाला.
आयपीएल किंवा ज्यांना मान्यता द्यायची असते, ते मान्यता देतात आणि खेळाडू येऊन खेळतो. जर त्यात काही चूक झाली असती तर तो खेळाडू फ्रँचायझीसाठी खेळला नसता. हे ब्रेव्हिसबद्दल नाही, ते सहसा असेच असते. आणखी एक गोष्ट मी स्पष्ट करू इच्छितो की व्हिडिओमध्ये माझा उद्देश ब्रेव्हिस किती चांगली फलंदाजी करत आहे हे सांगणे होता, असं अश्विनने म्हटलं आहे.
केवळ चेन्नई सुपर किंग्जनेच बदलीचा पर्याय निवडला नाही, तर इतर अनेक संघ देखील आहेत. आरसीबीने यापूर्वी ख्रिस गेलला घेतले होते आणि तो सुपरस्टार बनला. जखमी खेळाडूंची बदली ही आयपीएलची एक सामान्य बाब आहे आणि त्यातही नियमांमधील लवचिकता, तुम्ही ते कसे वापरता, एका मर्यादेत, तुम्ही ते वापरू शकता, असं अश्विनने म्हटलं आहे.