Rohit Sharma : कॅप्टन्सी गेल्यानंतर रोहित शर्माचे 'सिक्रेट 3 तास', ऑस्ट्रेलिया दौऱ्याआधी हिटमॅनच्या मनात चाललंय काय?

रेव्हस्पोर्ट्झमधील वृत्तानुसार, शनिवारी (4 ऑक्टोबर) भारताच्या वनडे कर्णधारपदावरून काढून टाकण्यात आलेल्या रोहित शर्माने मंगळवारी सकाळी नवी मुंबईमधील घणसोली येथील रिलायन्स कॉर्पोरेट पार्कमध्ये तीन तास सराव केला आणि नंतर संध्याकाळी तो सीएट पुरस्कार सोहळ्याला उपस्थित राहिला.

रोहित शर्माने हे प्रायव्हेट नेट सेशन स्वतः आयोजित केले होते. रोहितने त्याचा शेवटचा आंतरराष्ट्रीय सामना चॅम्पियन्स ट्रॉफी फायनलमध्ये खेळला होता, जेव्हा त्याच्या नेतृत्वात भारताचा विजय झाला होता. मुंबई इंडियन्सचे फिजिओ अमित दुबे यांच्या देखरेखीखाली आठ ते दहा नेट बॉलरनी रोहित शर्माला तीन तास बॉलिंग केली. ऑस्ट्रेलियातील अतिरिक्त बाऊन्स असलेल्या खेळपट्टीसाठी तयार होण्यासाठी रोहितने प्रॅक्टिस केली. प्रॅक्टिसमध्ये रोहितने शॉर्ट बॉलचा सामना केला.

advertisement