वैभवच्या नावावर नकोसा विक्रम
वैभव सूर्यवंशी जगातला पहिला ओपनर बनला आहे, जो यूथ टेस्टच्या चौथ्या इनिंगमध्ये दुसऱ्यांदा गोल्डन डकवर आऊट झाला आहे. ऑस्ट्रेलियाविरुद्ध पहिल्या बॉलला आऊट व्हायच्या आधी वैभव याचवर्षी इंग्लंड दौऱ्यातही यूथ टेस्टमध्ये गोल्डन डकवर माघारी परतला होता. 2010 साली जो रूटही यूथ टेस्टच्या चौथ्या इनिंगमध्ये गोल्डन डकवर आऊट झाला होता. याशिवाय लाहिरु थिरिमाने, ओली रॉबिनसन हे खेळाडू एकदाच गोल्डन डकवर पॅव्हेलियनमध्ये गेले होते.
advertisement
टीम इंडियाला ऑस्ट्रेलियाच्या अंडर-19 टीमने विजयासाठी 81 रनचं आव्हान दिलं होतं. या आव्हानाचा पाठलाग करताना टीम इंडियाचा कर्णधार आयुष म्हात्रेने जलद सुरूवात केली, पण वैभव सूर्यवंशी पहिल्याच बॉलला आऊट झाला. ऑस्ट्रेलियाचा फास्ट बॉलर लचमंडच्या बॉलवर वैभवने मोठा शॉट मारण्याचा प्रयत्न केला, पण मिड ऑफवर कॅच देऊन तो माघारी फिरला.
वैभवची ऑस्ट्रेलियामधील कामगिरी
वैभव सूर्यवंशीने यूथ टेस्ट सीरिजच्या 3 सामन्यांमध्ये 44.33 च्या सरासरीने 133 रन केले. यूथ वनडे सीरिजमध्ये वैभवने 41.33 च्या सरासरीने 124 रन केले. संपूर्ण ऑस्ट्रेलिया दौऱ्यात वैभवने 18 सिक्स मारल्या. इंग्लंडनंतर ऑस्ट्रेलिया दौऱ्यातही वैभवने त्याची छाप पाडली आहे.