बीड: मागील काही दिवसांपासून बदलत्या जीवनशैलीमुळे आणि वाढत्या मानसिक तणावामुळे झोपेच्या समस्यांनी अनेकांना त्रास होऊ लागला आहे. रात्री नीट झोप न लागणे, वारंवार जाग येणे किंवा फार लवकर डोळे उघडणे या समस्या वाढत चालल्या आहेत. डॉक्टरांच्या मते, झोपेचा त्रास दीर्घकाळ राहिला तर तो मानसिक आणि शारीरिक आरोग्यावर गंभीर परिणाम करू शकतो. मात्र, यावर काही सोपे घरगुती उपाय अवलंबून झोपेची गुणवत्ता सुधारता येऊ शकते.
