भाजप आमदार महेश लांडगे यांनी Excusive मुलाखतीमध्ये बोलताना ते म्हणाले, " 2014 च्या अगोदरची BJP नेत्यांच्या वरील अजित दादांची भाषणं काढा.त्यानंतर त्यांना विचारा की तुम्ही भारतीय जनता पार्टी का निवडली ? त्यांनी देशाचे नेतृत्व नरेंद्र मोदी, अमित शहा, देवेंद्र फडणवीसांवर आरोप केले होते. ते आता का आवडायला लागले ?"

नवी मुंबईमध्ये शिंदेंच्या शिवसेनेच्या कार्यकर्त्याला भाजपच्या कार्यकर्त्यांनी मारहाण केली आहे.शिवराम पाटील यांच्या पुतण्याने पैसे वाटल्याचा आरोप भाजप कार्यकर्ते करत आहेत. हा व्हीडिओ मनसे नेत्यांनी व्हायरल केला आहे.

देवेंद्र फडणवासांनी पुण्याच्या मुलाखतीमध्ये अजित दादांवर निशाणा साधला आहे. ते म्हणाले, "निवडून येता येत नाही तेव्हा काहीही जाहिरनामे काढतो, घोषणा करतात. पुण्यात घोषणा करणार होतो.पुण्यातील महिलांना विमान प्रवास फ्री करणार होतो. अनाउन्स करायला आपल्या बापाचं काय जातंय.."

भाजपने नाशिकच्या मुकेश शहाणेंची भाजप मधुन हकालपट्टी केली आहे. त्यांना पक्षातून काढल्यावर ते म्हणाले, "माझं काय चुकलं. माझ्यावर कुठले गुन्हेही नाहीत. मी प्रत्येक आंदोलनात सहभागी झालो. मी एकनिष्ठेने राहिलो हिच माझी चुक का, निष्ठावंत कार्यकर्त्याचा बळी दिलाय तुम्ही. हेच मला फळ दिलात काय."

कालच शिवतीर्थावर ठाकरे बंधूंची सभा झाली. त्यात मराठी भाषेचा उल्लेख झालाच. पण आज तीन हात नाका येथे इंग्रजी बॅनर लावल्याने ठाकरे बंधू ट्रोल झाले आहेत. तेव्हा मनसे नेते अविनाश जाधव म्हणाले,"एकच बॅनर इंग्रजीमध्ये लावला आहे. बाकीचे ९९ टक्के बॅनर हे माराठीतच लावले आहेत. तो एक बॅनर परिभाषिकांसाठी लावला आहे." त्यावरुन मनसे आणि ठाकरे गट विरोधकांकडून ट्रोल झाला आहे.

पत्रकारांशी बोलताना आरपीआयचे मंत्री रामदास आठवले म्हणाले, "मुंबई पालिकेत राज ठाकरेंना फायदा होणार नाही. कारण ६० टक्के लोकं परप्रांतिय आणि ४० टक्के मराठी वोटर आहेत. राज ठाकरेंचं पानीपत होणार आहे. त्यामुळे आम्ही बीजेपी, शिवसेना महायुती सोबत येऊन लढत आहोत. त्यामुळे पनवेल आणि मुंबई महानगरपालिका आम्ही जिंकणार आहोत."