दादर : दादर परिसरात पारंपरिक वन-खाद्य संस्कृतीचा अद्वितीय संगम पाहायला मिळत आहे. ‘वन-आहार महोत्सवा’च्या निमित्ताने स्वातंत्र्यवीर सावरकर नाट्यगृह येथे 22 आणि 23 नोव्हेंबर 2025 रोजी (शनिवार आणि रविवार) सायंकाळी 4 ते रात्री 10 या वेळेत विशेष प्रदर्शन आणि खाद्य महोत्सवाचे आयोजन करण्यात आले. नंदुरबार जिल्ह्यातील पावरा आदिवासी समाजाच्या स्त्री-पुरुषांनी आपल्या परंपरेतील दुर्मिळ खाद्यपदार्थ, वन-फुले, कंद-मुळे आणि स्थानिक ज्ञान शहरवासीयांसमोर मांडले आहे.

छत्रपती संभाजीनगर : लहानांपासून मोठ्यांपर्यंत अगदी सर्वांना नूडल्स खायला आवडतं. पण बऱ्याचदा मार्केटमधील नूडल्स खाणं आरोग्यासाठी अपायकारक ठरू शकतं. त्यासाठी ज्वारीच्या पिठाचे पौष्टिक नुडल्स उत्तम पर्याय आहे. हे नूडल्स घरच्या घरी कसे बनवायचे? याबाबत छत्रपती संभाजीनगर येथील डॉ. प्रज्ञा तल्हार यांनी माहिती दिलीय.

(विजय वंजारा, प्रतिनिधी) मुंबई: मुंबईमध्ये पुन्हा एकदा आगीची घटना घडली आहे. बोरिवली पश्चिम येथील गणपत पाटील नगर, स्ट्रीट नंबर ७ आणि ८ दरम्यान असलेल्या भंगार दुकानात भीषण आग लागली. भंगार दुकान जळून खाक झालं आहे. संध्याकाळी ५:३० च्या सुमारास आग लागली. आगीचे कारण कळू शकलेले नाही. या आगीमुळे आठ ते दहा दुकानं जळून खाक झाली. आगीची माहिती मिळताच अग्निशमन दलाचे अधिकारी तात्काळ घटनास्थळी पोहोचले आणि आग विझवण्याचे काम करत आहेत.

छत्रपती संभाजीनगर : काही लोकांच्या शरीरावरती पांढरे डाग असतात त्याला काहीजण कोड असे देखील म्हणतात. मात्र, या पांढऱ्या डागांविषयी लोकांचा मनामध्ये अनेक गैरसमज असतात. ज्या व्यक्तीला पांढरे डाग आहेत अशा व्यक्तींना जर आपण स्पर्श केला तर ते देखील आपल्याला होतात असा लोकांचा गैरसमज असतो. तसंच यावरती काही उपचार नाहीत असं काही लोकांचं म्हणणं असतं. त्यामुळे याबद्दच छत्रपती संभाजीनगरमधील कॉस्मेटिक सर्जन डॉ. रमाकांत बेंबडे यांनी माहिती दिलेली आहे.

खजूर हे एक सुपरफूड आहे, जे चवीसोबतच आरोग्याचा खजिना आहे. त्यात फायबर, अँटिऑक्सिडंट्स आणि अनेक आवश्यक जीवनसत्त्वे आणि खनिजे भरपूर प्रमाणात असतात. रोज खजूर खाल्ल्याने केवळ ऊर्जाच मिळत नाही, तर पचनक्रिया मजबूत होण्यास, हृदयाचे आरोग्य सुधारण्यास आणि रक्तातील साखर नियंत्रणात ठेवण्यास मदत होते. हेल्थलाइननुसार, खजूर अल्झायमर, कर्करोग आणि मधुमेह यांसारख्या गंभीर आजारांचा धोका देखील कमी करू शकतो. चला, तर रोज खजूर खाण्याचे जबरदस्त फायदे आणि ते आहारात समाविष्ट करण्याचे योग्य मार्ग जाणून घेऊया...