सोशल मीडियावर कधी कोणता व्हिडिओ व्हायरल होईल हे सांगता येत नाही, पण लग्नसराईचे विनोदी किस्से तर कायमच लोकांच्या पसंतीस उतरतात. असाच एक धमाल प्रकार सध्या सोशल मीडियावर गाजतोय आणि लोक अक्षरशः हसून लोटपोट होत आहेत.
सध्या व्हायरल होणारा हा व्हिडिओ एका लग्नसमारंभातील आहे. व्हिडिओमध्ये दिसतंय की वर आणि त्याच्या महुण्या स्टेजवर उभ्या आहेत. त्यात एक मेहुणी नवरदेवाच्या अगदी समोर उभी आहे. नवरदेवाच्या हातात काहीतरी गिफ्ट असल्याचं देखील जिसत आहे. नवरदेव ते गिफ्ट अगदी सावधपणाने उघडत आहे. मेहुणीही त्या गिफ्टकडे उत्सुकतेने पाहात आहे. तिला अपेक्षा आहे की तिचा भावोजी तिला कोणतं तरी महागडं गिफ्ट देणार आहे. पण गिफ्टमधुन जे बाहेर पडलं ते मेहुणीला महागात नक्कीच पडलं, हे तुम्हाला हा व्हिडीओ पाहून लक्षात येईल.
advertisement
नवरदेव जसा गिफ्ट बॉक्स उघडतो, तसं त्यातून एक जिवंत बेडूक उडी मारून थेट मेहुणीच्या दिशेनं झेप घेतो आणि तिच्या अंगावर उडी मारतो. हे पाहून मेहुणी घाबरते आणि धक्याने खाली बसते. असा अचानक जिवंत बेडुक तिच्यासमोर येईल याचा तिने स्वप्नात देखील विचार केला नसावा. पाहताना हा प्रसंग फारच मजेशीर वाटतो पण त्या मेहुणीबरोबर काय घडलं असेल हे तिचं तिलाच माहित.
हा व्हिडिओ Instagram वर @chillychuckler या युजरने शेअर केला आहे. कॅप्शनमध्ये लिहिलंय, "कसे कसे लोक असतात यार…" हा व्हिडिओ काही तासांतच हजारो लोकांनी पाहिला आणि लाईक्स कमेंट्सचा अक्षरशः पाऊस पडला.
एका युजरने लिहिलं "बस कर भाई, बिचारी घाबरली रे!" तर काहींनी हसणाऱ्या इमोजींसह मजेशीर कमेंट्स केल्या. काही लोकांनी गिफ्टमध्ये काय होतं यावर अंदाज लावला, तर एका युजरने स्पष्ट केलं की "गिफ्टमध्ये बेडुकच होता."