नोकरी, व्यवसायासह येणार कौटुंबिक अडचणी! २०२७ पर्यंत या ५ राशीवर असणार शनीची साडेसाती

मुंबई : भारतीय ज्योतिषशास्त्रात शनिदेवाला न्यायाधीश ग्रह मानले जाते. मानवी जीवनातील सुख-दुःख, परीक्षा आणि संकटांमध्ये शनीचा प्रभाव महत्त्वाचा मानला जातो. विशेषतः साडेसाती आणि धैय्या या काळात लोकांना मोठ्या अडचणींना सामोरे जावे लागते असे शास्त्र सांगते. सध्या मेष, कुंभ आणि मीन राशींवर शनीची साडेसती सुरू आहे, तर सिंह आणि धनु राशींवर धैय्याचा प्रभाव आहे. तज्ञांच्या मते या राशींनी २०२७ पर्यंत अधिक सतर्क राहण्याची गरज आहे. शनी आपली राशी बदलल्यावर कुंभ राशी साडेसतीतून मुक्त होईल आणि सिंह व धनु राशी धैय्यातून सुटका मिळवतील. मात्र, मीन आणि मेष राशींवर शनीचा परिणाम कायम राहील.