Diwali Puja Mantra: धनत्रयोदशी-दिवाळीत या शक्तिशाली मंत्रांचा करावा जप; घरावर देवी लक्ष्मीची कृपा

मुंबई : धनत्रयोदशी आणि दीपावलीचा सण हिंदू धर्मात अत्यंत महत्त्वाचा मानला जातो. या दिवशी घराघरात माता लक्ष्मीची विधीपूर्वक पूजा केली जाते आणि ती सर्वांना आशीर्वाद देते. धनत्रयोदशी आणि दिवाळीच्या दिवशी मंत्र जपाला विशेष महत्त्व सांगितले आहे, कारण हा काळ शुभ ग्रह योग, देवी लक्ष्मी, भगवान कुबेर आणि धन्वंतरी देवाच्या आराधनेचा असतो. या दिवसांमध्ये केलेल्या मंत्र जपाने आरोग्य, धन, समृद्धी आणि कौटुंबिक सौभाग्यामध्ये वाढ होते. मंत्र जप केल्याने घरात सकारात्मक ऊर्जेचा संचार होतो, ज्यामुळे घरात माता लक्ष्मीचे आगमन होते. दिवाळी आणि धनत्रयोदशीला कोणत्या शक्तिशाली मंत्रांचा जप करावा, जाणून घेऊया.