Ganesh Jayanti 2026: माघी गणेश जयंती नेमकी कधी? रवि योगात लागतोय भद्रकाळ, पूजा-मुहूर्त, धार्मिक महत्त्व
- Published by:Ramesh Patil
Last Updated:
Ganesh Jayanti 2026 Date: गणेश जयंतीला माघ विनायक चतुर्थी किंवा गौरी गणेश चतुर्थी असेही म्हणतात. यावर्षी गणेश जयंतीला रवि योग जुळून येत आहे, परंतु दुपारपासून भद्रा देखील लागत आहे. या भद्रेचा वास पृथ्वीवर असेल, त्यामुळे भद्रा काळात कोणतेही शुभ कार्य केले जाणार नाही.
मुंबई : रविवारी अमावस्येनंतर मराठी माघ महिना सुरू होत आहे. गणेश जयंती दरवर्षी माघ महिन्यातील शुक्ल पक्षाच्या चतुर्थी तिथीला साजरी केली जाते. याला माघ विनायक चतुर्थी किंवा गौरी गणेश चतुर्थी असेही म्हणतात. यावर्षी गणेश जयंतीला रवि योग जुळून येत आहे, परंतु दुपारपासून भद्रा देखील लागत आहे. या भद्रेचा वास पृथ्वीवर असेल, त्यामुळे भद्रा काळात कोणतेही शुभ कार्य केले जाणार नाही. या दिवशी चंद्राचे दर्शन घेणे वर्जित मानले जाते.
गणेश जयंती - पंचांगानुसार, यावर्षी माघ शुक्ल चतुर्थी तिथी 22 जानेवारी, गुरुवार रोजी पहाटे 2 वाजून 47 मिनिटांनी सुरू होईल. या तिथीची समाप्ती 23 जानेवारी, शुक्रवार रोजी पहाटे 2 वाजून 28 मिनिटांनी होईल. उदयतिथीच्या आधारावर गणेश जयंती 22 जानेवारी, गुरुवार रोजी साजरी केली जाईल.
गणेश जयंती मुहूर्त - यावर्षी गणेश जयंतीला पूजेचा शुभ मुहूर्त 2 तास 8 मिनिटांचा आहे. या दिवशी तुम्ही गणपती बाप्पाची पूजा सकाळी 11 वाजून 29 मिनिटांपासून सुरू करू शकता. मुहूर्ताची समाप्ती दुपारी 1 वाजून 37 मिनिटांनी होईल.
advertisement
रवि योगात गणेश जयंती - गणेश जयंतीच्या मुहूर्तावर रवि योग सकाळी 07 वाजून 14 मिनिटांनी सुरू होईल आणि दुपारी 02 वाजून 27 मिनिटांपर्यंत राहील. हा एक शुभ योग असून यामध्ये सर्व प्रकारचे दोष नष्ट होतात. गणेश जयंतीची पूजा याच रवि योगात संपन्न होईल.
advertisement
रवि योगाव्यतिरिक्त त्या दिवशी वरीयन योग पहाटेपासून संध्याकाळी 05 वाजून 38 मिनिटांपर्यंत आहे. त्यानंतर परिघ योग सुरू होईल. नक्षत्र पाहता, शतभिषा नक्षत्र पहाटेपासून दुपारी 02 वाजून 27 मिनिटांपर्यंत असेल आणि त्यानंतर पूर्व भाद्रपद नक्षत्र सुरू होईल.
गणेश जयंतीवर भद्रकाळ - या दिवशी दुपारी भद्रा लागत असल्यामुळे पूजेचे नियोजन शुभ मुहूर्तात करणे फलदायी ठरेल. भद्रा काळात नवीन कार्याची सुरुवात किंवा शुभ कार्ये टाळावीत.
advertisement
(सूचना : येथे दिलेली माहिती ज्योतिषीय ज्ञानावर आधारित आहे. याला कोणताही शास्त्रीय पुरावा नाही. न्यूज 18 मराठी त्याची हमी देत नाही.)
Location :
Mumbai,Maharashtra
First Published :
Jan 16, 2026 2:37 PM IST
मराठी बातम्या/राशीभविष्य/
Ganesh Jayanti 2026: माघी गणेश जयंती नेमकी कधी? रवि योगात लागतोय भद्रकाळ, पूजा-मुहूर्त, धार्मिक महत्त्व
