मुंबई : तुळशीला हिंदू धर्मात श्रद्धा आणि समृद्धीचं प्रतीक मानलं जातं. हिंदू धर्मात तुळशी मातेला अत्यंत पवित्र आणि शक्तिशाली मानलं गेलं आहे. असं म्हणतात की जिथं तुळशीचं रोप असतं, तिथे नकारात्मक ऊर्जा टिकत नाही आणि घरात सुख-शांती कायम राहते. शास्त्रांमध्ये सांगितलं आहे की, तुळशी मातेची पूजा केल्यानं भगवान विष्णू आणि माता लक्ष्मी या दोघांचाही आशीर्वाद मिळतो. विशेष म्हणजे तुळशीचे काही छोटे उपाय तुमच्या नशिबाची दिशा बदलू शकतात. जर तुम्ही आर्थिक समस्या, करिअरमधील अडचणी किंवा मानसिक तणावाच्या समस्या असतील तर तुळशीचे हे सोपे उपाय तुम्हाला नक्कीच दिलासा देऊ शकतात. याबद्दल माहिती देत आहेत ज्योतिषाचार्य अंशुल त्रिपाठी.