Navratri Ashtami 2025: नवरात्रातील महाअष्टमी आज! कन्या पूजेचा अभिजित मुहूर्त, पूजा-विधी जाणून घ्या

मुंबई : आज 30 सप्टेंबर रोजी शारदीय नवरात्रामधील महाअष्टमी साजरी केली जात आहे. महाअष्टमीला दुर्गा अष्टमी असंही म्हणतात. या दिवशी दुर्गेचे आठवे रूप असलेल्या देवी महागौरीची पूजा केली जाते. दुर्गा अष्टमीला गौरीची पूजा केल्यानं जीवनात आनंद आणि शांती मिळते. महाअष्टमी हा नवरात्रातील सर्वात खास दिवसांपैकी एक मानला जातो. या दिवशी भाविक त्यांच्या घरात कन्या पूजा आणि कुमारी पूजा करून नवरात्राची सांगता करतात. या दिवशी कन्या पूजा केल्यानं इच्छित परिणाम मिळतात, जीवनात आनंद आणि समृद्धी वाढते. शारदीय नवरात्राच्या महाअष्टमीला कन्या पूजा आणि संधी पूजा करण्याचा शुभ मुहूर्त जाणून घेऊया.