Numerology : ज्यांची जन्मतारीख 2,11, 20 आणि 29 आहे तर काळजी घ्या, 2025 धोक्याचं!

अंकशास्त्राच्या दृष्टीने 2 या अंकावर चंद्र या ग्रहाचा प्रभाव असून तो या अंकाचा स्वामी ग्रह आहे. ज्योतिष शास्त्रानुसार आणि अंकशास्त्रानुसार चंद्र हा ग्रह मनाचा कारक मानलेला असून या अंकाच्या व्यक्ती या संवेदनशील आणि भावनाशील अशा असतात, असं ज्योतिषशास्त्री राहुल कदम सांगतात.

येणारे वर्ष हे मंगळाच्या अधिपत्याखाली येणारी असल्याने मंगळाचा स्वभाव हा अति महत्वाकांक्षी धाडसी पुढे पुढे करणारा असा असून तो चंद्राच्या स्वभावाच्या थोडा विपरित असा असल्याने 2 अंकाचा प्रभाव असलेल्या व्यक्तींनी यावर्षी बोलण्यावर थोडे नियंत्रण ठेवावे. तसेच बोलताना विचार करून बोलावे नाहीतर आपल्या बोलण्याचा विपर्यास होऊन वादविवाद होण्याची शक्यता अधिक राहील.  या बरोबरच यावर्षी आरोग्याच्या दृष्टीने थोडे काळजी करण्याचे वर्ष असून 2 या अंकाचा 9 हा अंक मित्र अथवा शत्रू नसल्याने आगामी वर्ष हे 2 अंकासाठी फारसे फलदायी ठरेल असे नाही. कोणत्याही गोष्टीसाठी असणारा आत्मविश्वास या वर्षी कमी राहील. त्यामुळे कोणत्याही मोठ्या नियोजनाची जबाबदारी शक्यतो न घेतलेली बरी, असं ज्योतिषशास्त्री राहुल कदम सांगतात.

2 मुलांक आहे त्यांच्यासाठी येणार नववर्ष थोडं संमिश्र स्वरूपात जाणारे जरी असलं तरी त्यांच्यासाठी उपासना फार महत्त्वाची ठरणार आहे. हनुमानाची उपासना करणं उपयुक्त ठरणार आहे. हनुमानाची उपासना करण्यामुळे निश्चितच 2 मुलांक असणाऱ्या व्यक्तींना नक्कीच फायदेशीर ठरेल, असंही ज्योतिषशास्त्री राहुल कदम यांनी सांगितले.