Saphala Ekadashi 2025: 14 कि 15 डिसेंबरला सफला एकादशी; उत्तम आरोग्य, संपत्तीसाठी करतात या गोष्टी

मुंबई : यंदाचा डिसेंबर महिना धार्मिकदृष्ट्या खास आहे, या महिन्यात तीन एकादशी आल्या आहेत. त्यातील पहिली झाली असून दुसरी सफला एकादशी मार्गशीर्ष कृष्ण पक्षातील एकादशीला तिथीला साजरी केली जाते, सफला एकादशीचं व्रत आयुष्य वाढवण्यासाठी आणि आरोग्याचे संरक्षण करण्यासाठी अत्यंत फलदायी मानले जाते. सफला एकादशीचं व्रत केल्यानं व्यक्तीची कार्ये सफल होतात आणि श्रीहरींच्या कृपेनं भौतिक सुख-समृद्धी प्राप्त होते. या दिवशी केलेले सर्व आध्यात्मिक प्रयत्न सिद्धी देतात, अशी धार्मिक श्रद्धा आहे. हे व्रत धन, व्यापार, नोकरी आणि संतती संबंधित बाबींमध्ये विशेष लाभ देते.