Sharad Purnima 2025: सोळा कलांनी परिपूर्ण चंद्र करणार अमृत वर्षाव! कोजागरीचा हा मुहूर्त चुकवू नका

शरद पौर्णिमेची तिथी आणि मुहूर्त -

पौर्णिमा तिथीचा आरंभ: 6 ऑक्टोबर, दुपारी 12 वाजून 23 मिनिटांनी

पौर्णिमा तिथीची समाप्ती: 7 ऑक्टोबर, सकाळी 9 वाजून 16 मिनिटांनी

माता लक्ष्मीचे पृथ्वीवर भ्रमण आणि महारास -

धार्मिक मान्यतेनुसार, या दिवशी माता लक्ष्मी पृथ्वीवर भ्रमण करते. याशिवाय, भगवान श्रीकृष्णांनी याच रात्री गोपींसोबत महारास रचला होता. म्हणूनच या रात्री जागरूक राहून माता लक्ष्मी आणि भगवान विष्णूची पूजा करावी. असे मानले जाते की, जे लोक या रात्री जागून पूजा करतात त्यांच्या घरात माता लक्ष्मी प्रवेश करते, आशीर्वाद देते. दरवर्षी शरद पौर्णिमेच्या रात्री चंद्राच्या किरणांमधून अमृताचा वर्षाव होतो. या रात्री चंद्र आपल्या सोळा कलांनी परिपूर्ण असतो. त्यामुळेच, शरद पौर्णिमेची रात्र चंद्राच्या पूजेसाठी विशेष फलदायी मानली जाते.

चंद्राला अर्घ्य देण्याची पद्धत -

शरद पौर्णिमेच्या रात्री चंद्राला अर्घ्य देणे शुभ मानले जाते. यासाठी एका कलशामध्ये किंवा लोट्यात पाणी घ्या. त्यामध्ये थोडे कच्चे दूध, तांदूळ, खडीसाखर (मिश्री), चंदन आणि पांढरी फुले घाला. स्नान करून स्वच्छ वस्त्र परिधान करा. चंद्रोदयानंतर चंद्राकडे तोंड करून जल अर्पण करा. पाण्याची धार हळू हळू चंद्र देवावर सोडा. 'ऊं श्रीं ह्रीं क्लीं त्रिभुवन महालक्ष्म्यै अस्माकं दारिद्र्य नाशय प्रचुर धनं देहि देहि क्लीं ह्रीं श्रीं ऊं' या मंत्राचा 108 वेळा जप करा.

चंद्राला अर्घ्य देण्याचे फायदे -

मानसिक शांती: चंद्र देवाला अर्घ्य दिल्याने मनाची अशांती आणि तणाव कमी होतो. यामुळे मनाला स्थिरता, शीतलता आणि संतुलन मिळते, ज्यामुळे व्यक्ती शांत आणि सकारात्मक अनुभवतो. चंद्राचा संबंध शरीरातील जल तत्त्वाशी असतो. अर्घ्य दिल्याने मन आणि शरीर या दोहोंवर थंडाव्याचा प्रभाव पडतो, ज्यामुळे आरोग्य चांगले राहते.

चंद्राला अर्घ्य दिल्याने घरात आणि कुटुंबात शांती टिकून राहते. यामुळे आपसी संबंधांमध्ये गोडवा आणि समजूतदारपणा वाढतो, ज्यामुळे जीवनात सलोखा राहतो. ज्यांच्या कुंडलीत चंद्र दोष आहे, त्यांच्यासाठी अर्घ्य देणे विशेषतः फायदेशीर ठरते. यामुळे दोष शांत होतात आणि मानसिक अस्थिरता, चिंता यांसारख्या समस्या कमी होतात.

(सूचना : येथे दिलेली माहिती ज्योतिषीय ज्ञानावर आधारित आहे. याला कोणताही शास्त्रीय पुरावा नाही. न्यूज 18 मराठी त्याची हमी देत नाही.)