कोणी सेटवरच केलं लग्न, तर कोणी मोडता संसार वाचवला! Bigg Boss च्या घरात फुलली सेलिब्रिटींची लव्ह स्टोरी

मुंबई: 'बिग बॉस' हा कार्यक्रम म्हणजे फक्त आरडाओरड आणि खेळ नव्हे, तर खऱ्या आयुष्यातील नात्यांचा एक मोठा आरसाच आहे. गेल्या अनेक वर्षांमध्ये अनेक जोडपी या घरात आली. काहींनी तिथे त्यांचे नाते अधिक बळकट केले, तर काहींनी तुटलेल्या नात्याला नव्याने संधी दिली.

'बिग बॉस'ने काही जोड्यांना त्यांचे प्रेम जाहीर करण्याची आणि थेट लग्न करण्याची संधी दिली. <strong>सारा खान आणि अली मर्चंट:</strong> 'बिग बॉस ४' मध्ये सहभागी झालेले हे दोघे प्रेमात पडले आणि थेट नॅशनल टेलिव्हिजनवर त्यांनी निकाह करून सगळ्यांना मोठा धक्का दिला होता.

<strong>तनाज इराणी आणि बख्तियार इराणी:</strong> 'बिग बॉस ३' मध्ये एकत्र आलेले हे पहिले विवाहित जोडपे होते. त्यांच्यातील सततच्या वादांमुळे आणि गमतीदार भांडणांमुळे त्यांची जोडी खूप गाजली.

<strong>देलनाज इराणी आणि राजीव पॉल:</strong> घरात प्रवेश करण्यापूर्वीच त्यांचे नाते तुटले होते. या कार्यक्रमात त्यांचे तुटलेले नाते आणि त्यातील भावनिक ताण प्रेक्षकांना स्पष्टपणे पाहायला मिळाला.

<strong>रुबीना दिलैक आणि अभिनव शुक्ला:</strong> 'बिग बॉस १४' मध्ये त्यांनी जाहीर केले की, ते दोघे लवकरच घटस्फोट घेणार होते. पण या कार्यक्रमाने त्यांचे नाते वाचवले आणि तो त्यांच्यासाठी वरदान ठरला.

<strong>रोशेल राव आणि कीथ सिक्वेरा:</strong> या जोडप्यानेही 'बिग बॉस ९' मध्ये एकत्र प्रवेश केला. त्यांची गोड केमिस्ट्री आणि प्रेमळ वादविवाद लोकांना आवडले.

<strong>सुयश राय आणि किश्वर मर्चंट:</strong> हेही ९ व्या हंगामात प्रेमात असलेले जोडपे होते. कार्यक्रम संपल्यानंतर त्यांनी लग्न करून आपल्या नात्याला पुढे नेले.

<strong>अंकिता लोखंडे आणि विकी जैन:</strong> 'बिग बॉस १७' मधील हे विवाहित जोडपे सतत चर्चेत होते. त्यांच्या नात्यातील अनेक चढ-उतार प्रेक्षकांना जवळून पाहायला मिळाले.

<strong>ऐश्वर्या शर्मा आणि नील भट्ट:</strong> याच १७ व्या सीझनमध्ये हेही विवाहित जोडपे सहभागी झाले होते. अंकिता-विकीसोबत त्यांचे जोरदार वाद झाले होते, ज्यामुळे घराचे वातावरण तापले होते.