Janmashtami 2025: श्रीकृष्ण जन्माष्टमी नेमकी कधी 15 की 16 ऑगस्टला? बाळ-गोपाळाच्या पूजेसाठी फक्त 43 मिनिटं मुहूर्त

मध्यरात्री १२ वाजता कृष्णजन्म जन्मकाळ उत्सव सुरू होतो. बाळगोपाळाच्या मूर्तीला पंचामृत (दूध, दही, तूप, मध, साखर) आणि नंतर पाण्याने स्नान घातले जाते. त्यानंतर मूर्तीला नवीन वस्त्रे, दागिने, मुकुट आणि बासरी घालून सजवले जाते. बाळगोपाळाची आरती करून "गोविंदा रे गोपाळा" किंवा अन्य भजने गाऊन आनंद व्यक्त करतात. श्रीकृष्णाला लोणी, लाडू किंवा इतर गोड पदार्थांचा नैवेद्य दाखवला जातो. अनेक ठिकाणी प्रसाद वेगवेगळ्या पद्धतीनं अर्पण करण्याची परंपरा आहे. अनेक ठिकाणी दुसऱ्या दिवशी 'गोपाळकाला' किंवा 'दहीहंडी'चा उत्सव मोठ्या उत्साहात साजरा केला जातो.

जन्माष्टमी पाळणा विधी - मध्यरात्री १२ वाजण्यापूर्वी, बाळगोपाळाच्या मूर्तीला पंचामृताने आणि नंतर पाण्याने स्नान घालतात. त्यानंतर मूर्तीला नवीन वस्त्रे आणि दागिने घालून सजवतात. कृष्ण जन्माचा अचूक क्षण आल्यावर, म्हणजेच मध्यरात्री १२ वाजता, मूर्तीला मोठ्या प्रेमाने आणि आदराने सजवलेल्या पाळण्यात ठेवले जाते. मूर्ती पाळण्यात ठेवल्यावर घरातील सर्वांनी किंवा मुलांनी मिळून पाळणा हलवावा. या वेळी 'गोविंदा रे गोपाळा' किंवा अन्य भजने मोठ्या उत्साहाने गायली जातात. आरती झाल्यावर प्रसाद वाटला जातो आणि उपवास केलेल्या भक्तांनी प्रसाद ग्रहण करून आपला उपवास सोडतात.

(सूचना : येथे दिलेली माहिती ज्योतिषीय ज्ञानावर आधारित आहे. याला कोणताही शास्त्रीय पुरावा नाही. न्यूज 18 मराठी त्याची हमी देत नाही.)