संयम ठेवला आता फळ मिळणार! 100 वर्षांनी आला योग, या राशींचे नशीब पत्त्यांसारखं पालटणार

Published by:Ajit Bhabad

Last Updated:Jan 11, 2026 1:41 PM IST

Astrology News : वैदिक ज्योतिषशास्त्रात ग्रहांच्या संयोगांना विशेष महत्त्व दिले जाते. 2026 हे वर्ष ग्रहांच्या हालचालींच्या दृष्टीने अत्यंत निर्णायक मानले जात असून, या काळात अनेक ग्रह आपापल्या राशी बदलणार आहेत.

मुंबई : वैदिक ज्योतिषशास्त्रात ग्रहांच्या संयोगांना विशेष महत्त्व दिले जाते. 2026 हे वर्ष ग्रहांच्या हालचालींच्या दृष्टीने अत्यंत निर्णायक मानले जात असून, या काळात अनेक ग्रह आपापल्या राशी बदलणार आहेत. या बदलांमुळे काही दुर्मीळ योग तयार होणार असून, त्यातील एक महत्त्वाचा योग म्हणजे त्रिग्रही योग. सूर्य, शुक्र आणि बुध या तीन प्रभावशाली ग्रहांचा एकत्र संयोग झाल्याने हा योग निर्माण होणार आहे. सूर्य आत्मविश्वास, सत्ता आणि नेतृत्वाचे प्रतीक आहे, शुक्र वैभव, सुख-समृद्धी आणि नातेसंबंध दर्शवतो, तर बुध बुद्धिमत्ता, संवाद आणि व्यापाराशी संबंधित मानला जातो. या तीन ग्रहांचा एकत्र प्रभाव काही निवडक राशींसाठी अत्यंत लाभदायक ठरणार आहे. या काळात आर्थिक लाभ, सामाजिक प्रतिष्ठा आणि वैयक्तिक प्रगतीची दारे उघडणार आहेत. चला तर जाणून घेऊया, 2026 मधील या त्रिग्रही योगाचा कोणत्या राशींवर विशेष अनुकूल परिणाम होणार आहे.

मकर रास

मकर राशीच्या जातकांसाठी हा त्रिग्रही योग अत्यंत शुभ फल देणारा ठरणार आहे. हा योग तुमच्या व्यक्तिमत्त्वावर सकारात्मक परिणाम करणार असून आत्मविश्वासात लक्षणीय वाढ होईल. दीर्घकाळापासून सुरू असलेल्या आरोग्यविषयक तक्रारींमध्ये सुधारणा जाणवेल. नोकरीत असलेल्या लोकांना वरिष्ठांकडून प्रशंसा मिळण्याची शक्यता आहे, तर व्यवसायिकांसाठी नवीन करार आणि संधी उपलब्ध होतील. आर्थिक बाबतीत उत्पन्नाचे अतिरिक्त स्रोत निर्माण होऊ शकतात. समाजात तुमची ओळख अधिक भक्कम होईल आणि मान-सन्मान वाढेल. वैवाहिक जीवनात समजूतदारपणा वाढेल, जोडीदाराकडून सहकार्य लाभेल आणि कुटुंबातील वातावरण आनंदी राहील.

मीन रास

मीन राशीच्या लोकांसाठी 2026 मधील त्रिग्रही योग समृद्धीचा संदेश घेऊन येत आहे. या योगामुळे आर्थिक स्थिती मजबूत होईल आणि अडलेली कामे पुन्हा गती घेतील. उत्पन्न वाढण्यासोबतच बचतीकडेही तुमचा कल वाढेल. नोकरीत बदल किंवा पदोन्नतीची संधी मिळू शकते. व्यवसायात नवीन कल्पना यशस्वी ठरतील. कुटुंबातील सदस्यांशी संबंध अधिक दृढ होतील आणि घरात आनंदाचे वातावरण राहील. मित्रमंडळी आणि सहकाऱ्यांचे सहकार्य लाभेल. विद्यार्थ्यांसाठीही हा काळ अनुकूल असून शिक्षणात यश मिळण्याची शक्यता आहे. संततीकडून शुभवार्ता मिळाल्याने घरात आनंदोत्सव साजरा होऊ शकतो.

तूळ रास

तूळ राशीच्या जातकांसाठी त्रिग्रही योग सुख-सुविधांचा वर्षाव करणारा ठरणार आहे. हा योग भौतिक आनंद वाढवणारा असून, नवीन घर, वाहन किंवा मालमत्तेची खरेदी करण्याची संधी मिळू शकते. वडिलोपार्जित संपत्तीतून लाभ होण्याची दाट शक्यता आहे. सामाजिक जीवनात तुमचा प्रभाव वाढेल आणि प्रतिष्ठित लोकांशी संपर्क प्रस्थापित होईल. आर्थिक गुंतवणूक फायदेशीर ठरेल. करिअरमध्ये स्थैर्य येईल आणि कामातील अडथळे दूर होतील. या काळात देवी लक्ष्मीची विशेष कृपा लाभल्याने तुमच्या जीवनात सुख, समाधान आणि समृद्धी नांदेल.

view comments

Location :

Mumbai,Maharashtra

First Published :

Jan 11, 2026 1:41 PM IST

संयम ठेवला आता फळ मिळणार! 100 वर्षांनी आला योग, या राशींचे नशीब पत्त्यांसारखं पालटणार