Vinayak Chaturthi May 2025: बाप्पा मदतीला धावणार, संकट हरणार; ज्येष्ठ विनायक चतुर्थी पूजेचा अभिजीत मुहूर्त साधा

मुंबई : संकष्टी प्रमाणेच अनेक गणेश भक्त विनायक चतुर्थीची पूजा करतात. मे महिन्याची विनायक चतुर्थी शुक्रवारी 30 मे रोजी साजरी केली जाणार आहे. विनायक चतुर्थीची पूजा शुभ किंवा अभिजीत मुहूर्तावर केल्यानं मोठ्या संकटातून बाप्पा तारतो, अशी धार्मिक श्रद्धा आहे. यावेळी विनायक चतुर्थीला २ शुभ योग तयार होत असून २ प्रकारचे भद्रा देखील आहेत. विशेष म्हणजे विनायक चतुर्थी दिवशी सर्वार्थ सिद्धी योग तयार होत आहे, व्यक्तीच्या इच्छा, मनोकामना त्यामुळे पूर्ण होऊ शकतात. या शुभ प्रसंगी विनायक चतुर्थीचे व्रत करून बाप्पाची पूजा करावी. विनायक चतुर्थी कधी आहे, विनायक चतुर्थी पूजेचा मुहूर्त, शुभ योग आणि भद्र वेळ याबाबत सविस्तर समजून घेऊ.