Trending:

आता Bike कशाला घ्यायची! Maruti ची कार येतेय बुलेटच्या किंमतीत, संपूर्ण यादी पाहाच!

Published by:Sachin S

Last Updated:September 18, 2025 10:44 PM IST

मध्यमवर्गीयांची फेव्हरेट असलेल्या मारुतीच्या सगळ्याच्या गाड्या आता कमी किंमतीत आल्या आहेत. नवीन जीएसटी दर २२ सप्टेंबर रोजी लागू होतील, जो नवरात्रीचा पहिला दिवस आहे.

इम्पॅक्ट शॉटतुमचा गेटवे लेटेस्ट न्यूज

मुंबई: केंद्र सरकारने जीएसटी अर्थात वस्तू आणि सेवा कर (जीएसटी) रचनेच्या स्लॅबमध्ये मोठा बदल केला आहे. आतापर्यंत ज्या दुचाकी आणि कारवर जास्त कर मोजला जात होता, आता त्याच कार आणि SUV स्वस्त झाल्या आहेत. अशातच भारतातील सर्वात मोठ्या कार उत्पादक कंपनी मारुती सुझुकीने सुद्धा आपल्या कारच्या किंमती कमी केल्या आहे. मध्यमवर्गीयांची फेव्हरेट असलेल्या मारुतीच्या सगळ्याच्या गाड्या आता कमी किंमतीत आल्या आहेत. नवीन जीएसटी दर २२ सप्टेंबर रोजी लागू होतील, जो नवरात्रीचा पहिला दिवस आहे.

जीएसटी दरांमुळे अनेक वस्तू स्वस्त होणार असल्यानं, कार उत्पादकांनीही त्यांच्या कारसाठी नवीन दर जाहीर करण्यास सुरुवात केली आहे. देशातील सर्वात मोठी कार उत्पादक कंपनी मारुती सुझुकीनेही त्यांच्या कारसाठी नवीन दर जाहीर केले आहेत. सगळ्यात स्वस्त म्हणजे, मारुतीची मायलेज किंग मारुती सुझुकी एस प्रेसोही सगळ्यात स्वस्त झाली आहे. या कारच्या किंमतीत तब्बल १,२९,६०० कपात करण्यात आली आहे. या कारची एक्स शोरूम किंमत आता 3,49, 900 इतकी झाली आहे. मारुतीची ही सर्वात स्वस्त कार आहे.

मारूती सुझुकी मॉडल	एक्स-शोरूम किंमत किती कमी(रुपये)	नवीन किंमत (रुपये)
एस-प्रेसो	129,600 पर्यंत	349,900
मारूती सुझुकी ऑल्टो K10	107,600 पर्यंत	369,900
मारूती सुझुकी सेलेरियो	94,100 पर्यंत	469,900
मारूती सुझुकी वॅगन-R	79,600 पर्यंत	498,900
मारूती सुझुकी इग्निस	71,300 पर्यंत	535,100
स्विफ्ट	84,600 पर्यंत	578,900
बलेनो	86,100 पर्यंत	598,900
मारूती सुझुकी टूर S	67,200 पर्यंत	623,800
मारूती सुझुकी डिजायर	87,700 पर्यंत	625,600
मारूती सुझुकी फ्रोंक्स	112,600 पर्यंत	684,900
मारूती सुझुकी ब्रेजा	112,700 पर्यंत	825,900
मारूती सुझुकी ग्रँड विटारा	107,000 पर्यंत	1,076,500
मारूती सुझुकी जिम्नी	51,900 पर्यंत	1,231,500
मारूती सुझुकी इर्टिगा	46,400 पर्यंत	880,000
मारूती सुझुकी XL6	52,000 पर्यंत	1,152,300
मारूती सुझुकी इनविक्टो	61,700 पर्यंत	2,497,400
मारूती ईको	68,000 पर्यंत	518,100
सुपर कॅरी	52,100 पर्यंत	506,100

GST 2.0 मुळे काय किंमती का कमी झाल्यात?

मारुतीपूर्वी, महिंद्रा आणि टाटा सारख्या अनेक कार ब्रँडने देखील त्यांच्या कारसाठी नवीन दर जाहीर केले आहेत. नवीन जीएसटी नियमांनुसार, १२०० सीसीपेक्षा लहान पेट्रोल इंजिन असलेल्या वाहनांना आता १८% स्लॅबमध्ये ठेवण्यात येईल, जे पूर्वीच्या २८% श्रेणीच्या जागी येईल. मोठ्या कार आणि एसयूव्ही आता नवीन ४०% जीएसटी स्लॅबमध्ये येतील, जे पूर्वीच्या ५०% वरून कमी होईल. या बदलाचा अर्थ २२ सप्टेंबरपासून लागू होणाऱ्या सर्व हॅचबॅक आणि सबकॉम्पॅक्ट एसयूव्हीच्या किमतीत लक्षणीय कपात होईल. या दिवाळी हंगामात ४ मीटरपेक्षा कमी एसयूव्हीवर खरेदीदार ₹१.८६ लाखांपर्यंत बचत करू शकतात.

Location :

Mumbai,Maharashtra

First Published :

September 18, 2025 10:44 PM IST

आता Bike कशाला घ्यायची! Maruti ची कार येतेय बुलेटच्या किंमतीत, संपूर्ण यादी पाहाच!