Trending:

पुण्यात गाडीचं रजिट्रेशन, मुंबईत HSRP नंबरप्लेट बसवणं शक्य आहे का? नियम काय सांगतात?

Published by:Devika Shinde

Last Updated:August 14, 2025 9:15 PM IST

लोक असे प्रश्न गुगलवर सर्च करु लागले आहेत. कारण बऱ्याच वेळा लोक नोकरी, शिक्षण किंवा इतर कारणांसाठी एका शहरातून दुसऱ्या शहरात राहतात. चला तर मग याचे स्पष्ट आणि सोपे उत्तर पाहूया.

इम्पॅक्ट शॉटतुमचा गेटवे लेटेस्ट न्यूज

मुंबई : सरकारने सर्व वाहनांसाठी HSRP (High Security Registration Plate) बसवणे अनिवार्य केले आहे. पण वाहन मालकांना याबाबत अनेक प्रश्न पडले आहेत. त्यापैकी एक सर्वात कॉमन प्रश्न असा की "ज्या शहरात वाहन नोंदणी केली आहे तिथे HSRP बसवणे शक्य नसेल, तर आपण एकाच राज्यातील दुसऱ्या शहरात जाऊन HSRP बसवू शकतो का?" किंवा "माझ्या गाडीचं रजिस्ट्रेशन पत्ता एका शहरात आहे आणि आता मी दुसऱ्या शहरात रहातो तर अशावेळी मी काय करु?"

लोक असे प्रश्न गुगलवर सर्च करु लागले आहेत. कारण बऱ्याच वेळा लोक नोकरी, शिक्षण किंवा इतर कारणांसाठी एका शहरातून दुसऱ्या शहरात राहतात. चला तर मग याचे स्पष्ट आणि सोपे उत्तर पाहूया.

एकाच राज्यात दुसऱ्या शहरात HSRP बसवता येईल का?

होय, आपण एकाच राज्यातील कुठल्याही RTO किंवा अधिकृत फिटमेंट सेंटरमध्ये HSRP बसवू शकता. त्यामुळे वाहन ज्या शहरात नोंदणीकृत किंवा रजिस्टर आहे, तिथेच त्याची नंबरप्लेट बसवणे बंधनकारक नाही. तुम्ही तुमच्या शहरात देखील ते बसवू शकता.

जर तुमचं वाहन महाराष्ट्रात नोंदणीकृत असेल आणि तुम्ही पुण्यात राहत असाल पण नोकरीमुळे मुंबईत राहता, तर मुंबईतील फिटमेंट सेंटरमध्येही तुम्ही HSRP बसवू शकता. महत्वाचं म्हणजे वाहन त्याच राज्यात नोंदणीकृत असलं पाहिजे.

काय आणि कसं करावं?

ऑनलाइन बुकिंग:

अधिकृत वेबसाइटवर जाऊन आपला वाहन क्रमांक टाका.

शहर निवडा:

आपल्या सोयीनुसार राज्यातील कोणतेही शहर किंवा फिटमेंट सेंटर निवडा. जे तुम्ही राहात असलेल्या ठिकाणापासून जवळ असेल.

स्लॉट बुकिंग: तुम्हाला हवी असलेली तारीख आणि वेळ निवडा. दिलेल्या तारखेला आणि वेळेस गाडी घेऊन फिटमेंट सेंटरला जा. तिथे तुमची HSRP बसवली जाईल.

इतर महत्वाच्या गोष्टी

साधारणतः HSRP फिटमेंट फक्त वाहन ज्या राज्यात नोंदणीकृत आहे, त्याच राज्यात करणे आवश्यक असते.

प्रायव्हेट आणि कमर्शियल वाहन दोन्ही प्रकारच्या वाहनांसाठी ही प्रक्रिया सारखीच आहे.

फिटमेंटच्या वेळी RC (Registration Certificate) आणि वाहनाची प्रत्यक्ष उपस्थिती गरजेची असते.

view comments