Trending:

HSRP साठी उरले फक्त काही तास, नंबरप्लेट बनवली नसेल तर आता एकच मार्ग उरला

Published by:Devika Shinde

Last Updated:August 14, 2025 6:48 PM IST

how to apply hsrp number plate : महायुती सरकारने तीन वेळा मुदतवाढ दिली आहे. पहिली अंतिम तारीख एप्रिल, त्यानंतर जून आणि तिसऱ्यांदा 15 ऑगस्टपर्यंत मुदतवाढ देण्यात आली होती.

इम्पॅक्ट शॉटतुमचा गेटवे लेटेस्ट न्यूज

मुंबई : महाराष्ट्रात जुन्या वाहनांवर हाय सिक्युरिटी नंबर प्लेट (HSRP) बसवण्याची प्रक्रिया जोरात सुरू आहे. याची शेवटची तारीख 15 ऑगस्ट 2025 आहे. ज्यासाठी आता फक्त काही तासच उरले आहेत. ही मुदत वाढणार नसल्याचं सरकारनं आधीच सांगितलं आहे. त्यामुळे सरकारच्या गाइडलाइननुसार या तारखेपर्यंत HSRP नंबरप्लेटसाठी अप्लाय केलं नसेल तर तुमच्या वाहनाला दंड लागणार आहे.

महायुती सरकारने तीन वेळा मुदतवाढ दिली आहे. पहिली अंतिम तारीख एप्रिल, त्यानंतर जून आणि तिसऱ्यांदा 15 ऑगस्टपर्यंत (hsrp last date to apply) मुदतवाढ देण्यात आली होती. आता फक्त 20 दिवस उरले असताना, तज्ज्ञांचे मत आहे की उरलेल्या 25 लाखांहून अधिक वाहनांवर प्लेट बसवणे अवघड आहे. त्यामुळे सरकार आणखी मुदतवाढ देणार का की 15 ऑगस्टनंतर थेट कारवाई करणार, याकडे सर्वांचे लक्ष आहे.

मग अशा परिस्थीतीत ज्या लोकांनी अद्याप रजिस्ट्रेशन केलेलं नाही, त्यांनी काय करावं किंवा त्यांच्यासाठी काही पर्याय आहे का? (hsrp online registration)

तुमच्या गाडीला HSRP आता काही तासात लावणे तर शक्य नाही. यासाठी आता तुमच्याकडे एकच पर्याय उरला. तो म्हणजे तुम्हाला 15 ऑगस्टपर्यंत वाहानाचं रजिस्ट्रेशन तरी करावं लागेल. एकदा का रजिस्ट्रेशन झालं तर तुम्हाला प्लेट लावण्यासाठी अपॉइंटमेंट मिळेल. मग त्या तारखेला जाऊन तुम्ही HSRP प्लेट बसवू शकता.

यासाठी तुम्ही ट्राफिक पोलिसांना तुमच्या रजिस्ट्रेनची पावती दाखवून काही दिवसांसाठी दंडापासून सुटका मिळवू शकता. पण हो यासाठी तुम्हाला 15 ऑगस्टपर्यंत रजिट्रेशन करणं गरजेचं आहे आणि पैसे भरल्यावर त्याची पावती मिळणं ही गरजेचं आहे.