Toyota ने अखेर ठरवलं! आणतेय नवी आणि दमदार अशी Fortuner, फोटो झाले लिक!

जगातील सर्वात मोठी कार उत्पादक कंपनी असलेल्या टोयोटा मोटर्स आपल्या दमदार आणि दणकट गाड्यांसाठी ओळखली जाते. टोयोटाने किर्लोस्कर मोटरच्या भागिदारीने भारतात पाऊल ठेवलं. आजही टोयोटा किर्लोस्कर मोटर्स (TKM) नावाचे गाड्यांची विक्री होत आहे.  ग्रामीण आणि शहरी भागामध्ये नेत्यांची पहिली पसंती असलेल्या फॉर्च्युनर लवकरच नवीन स्वरुपात लाँच होणार आहे. या ७-सीटर एसयूव्हीचे तिच्या ऑफ-रोड क्षमता, शक्तिशाली इंजिन, रस्त्यावरील उपस्थिती आणि मजबूत डिझाइन, प्रीमियम इंटीरियर आणि ब्रँड व्हॅल्यूमुळे आजही फॉर्च्युनरची क्रेझ कायम आहे. आता फॉर्च्युनरची नवीन जनरेशन अपग्रेड मॉडेल येणार आहे. दुसरे-जनरेशन मॉडेल २०१६ मध्ये सादर करण्यात आलं होतं आणि आता ते नव्या अपग्रेडसाठी सज्ज आहे.