Trending:

Indian Post Recruitment 2025 : भारतीय पोस्ट विभागात नोकरीची संधी! महिन्याला मिळणार 68,000 रुपये पगार, अर्ज कसा कराल?

Published by:Ajit Bhabad

Last Updated:Jan 25, 2025 2:37 PM IST

Career News : भारतीय टपाल विभागात सरकारी नोकरी मिळवू इच्छिणाऱ्या उमेदवारांसाठी नवीन भरती आली आहे. हो, अलीकडेच भारतीय टपाल विभागात स्टाफ कार ड्रायव्हर पदांसाठी उमेदवारांकडून अर्ज मागवले आहेत. उमेदवार या भरतीसाठी www.indiapost.gov.in या अधिकृत वेबसाइटवरून शेवटची तारीख 8 फेब्रुवारी 2025 पर्यंत अर्ज करू शकतात.

इम्पॅक्ट शॉटतुमचा गेटवे लेटेस्ट न्यूज

+ Follow usOn Google

मुंबई : भारतीय टपाल विभागात सरकारी नोकरी मिळवू इच्छिणाऱ्या उमेदवारांसाठी नवीन भरती आली आहे. हो, अलीकडेच भारतीय टपाल विभागात स्टाफ कार ड्रायव्हर पदांसाठी उमेदवारांकडून अर्ज मागवले आहेत. उमेदवार या भरतीसाठी www.indiapost.gov.in या अधिकृत वेबसाइटवरून शेवटची तारीख 8 फेब्रुवारी 2025 पर्यंत अर्ज करू शकतात. अर्ज ऑफलाइन पद्धतीने स्वीकारले जातील. विशेष म्हणजे भारतीय टपाल विभागाच्या या भरतीमध्ये 56 वर्षांपर्यंतचे लोक सहभागी होऊ शकतात. संपूर्ण माहिती सविस्तर जाणून घ्या

रिक्त पदांची माहिती

भारतीय टपाल विभागात स्टाफ कार ड्रायव्हरच्या रिक्त जागा चार वेगवेगळ्या प्रदेशांसाठी आहेत. उमेदवार अधिकृत वेबसाईटला भेट देवून अधिक माहिती मिळू शकतात.

पात्रता काय आहे?

या भरतीसाठी उमेदवारांनी मान्यताप्राप्त मंडळातून दहावी उत्तीर्ण असणे आवश्यक आहे. तसेच, हलक्या आणि जड मोटार वाहनांसाठी वैध ड्रायव्हिंग लायसन्स असणे आवश्यक आहे. उमेदवारांना किमान तीन वर्षांचा ड्रायव्हिंगचा अनुभव आणि मोटर मेकॅनिझमचे ज्ञान असणे आवश्यक आहे. ही भरती गट 'क' प्रतिनियुक्ती/निरीक्षण आधारावर केली जात आहे. ज्यामध्ये उमेदवार अर्ज करू शकतात.

आवश्यक वयोमर्यादा किती?

भारतीय टपाल विभागाच्या या भरतीत सहभागी होण्यासाठी, अर्जाच्या शेवटच्या तारखेपर्यंत उमेदवारांचे कमाल वय 56 वर्षे असावे. या वयोमर्यादेपेक्षा जास्त वयाचे उमेदवार या भरतीसाठी पात्र नाहीत.

पगार किती?

स्टाफ कार ड्रायव्हर पदासाठी निवडलेल्या उमेदवारांना लेव्हल-2 नुसार दरमहा 19,900 ते 68,000 रुपये वेतन दिले जाईल.

निवड प्रक्रिया कशी केली जाणार?

या भरतीमध्ये, उमेदवारांची निवड कोणत्याही लेखी परीक्षेशिवाय केली जाईल. या भरतीशी संबंधित इतर कोणत्याही माहितीसाठी, उमेदवार इंडिया पोस्टच्या अधिकृत वेबसाइटला भेट देऊ शकतात.

view comments