सायकलवर विकल्या वह्या-पुस्तकं, पण मेहनतीचं मिळालं फळ, आज 10 लोकांना रोजगार देतेय 'ही' व्यक्ती

गोपालगंज : काही लोक असे असतात ज्यांच्या आयुष्यात कितीही संकटे आली तर ते हार मानत नाही. परिस्थितीशी लढा देतात आणि यशस्वी होऊन दाखवतात. समाजासमोर एक आदर्श निर्माण करतात. आज अशाच एका व्यक्तीची कथा आपण जाणून घेणार आहोत, ज्यामुळे तुम्हालाही नक्कीच प्रेरणा मिळेल.

बिहारच्या गोपालगंज जिल्ह्यातील हथुआ परिसरातील नया बाजार गावातील रहिवासी पुष्पेंद्र कुमार हे एक यशस्वी उद्योजकाच्या रुपात ओळखले जातात. पुष्पेंद्र यांनी कठोर मेहनत आणि जिद्दीच्या बळावर स्वतःचा नोटबुक कारखाना सुरू केला आहे. तसेच या माध्यमातून ते 10 जणांना रोजगारही देत आहोत.

पुष्पेंद्र यांच्या कारखान्यात तयार होणाऱ्या नोटबुकचा पुरवठा बिहारसह उत्तर प्रदेशातील विविध जिल्ह्यांमध्ये केला जातो. पूर्वी त्यांच्या कुटुंबाची परिस्थिती चांगली नव्हती. वडील ट्रान्सपोर्टमध्ये तिकीट काढायचे आणि मानधनही चांगले नव्हते. त्यांनी सायकलवर नोटबुक बांधून विकायला सुरुवात केली होती. आज या व्यवसायाच्या माध्यमातून त्यांची वर्षाला सुमारे दहा लाख रुपयांची कमाई होत आहे.

त्यांच्या वडिलांची तब्येत खराब झाल्यावर दोन बहिणी, तीन भाऊ आणि आई-वडिलांची पूर्ण जबाबदारी त्यांच्या खांद्यावर आली. त्यांना आयएएस होऊन समाजाची सेवा करायची होती. मात्र, नियतीला काही वेगळेच मंजूर होते आणि कुटुंबाच्या आर्थिक परिस्थितीमुळे ते पुढचे शिक्षण घेऊ शकले नाही.

पुष्पेंद्र यांनी सांगितले की, आपल्या कमाईतून त्यांनी आपला भाऊ आणि दोन बहिणींचे तसेच स्वत:चेही मोठ्या थाटामाटात लग्न केले. माझ्या भावाला शिक्षण दिल्यानंतर त्याला गृहनिर्माण सहाय्यक म्हणून नोकरी मिळाली. स्वतःचे घर बांधले आणि आज शांततेत जीवन जगत आहे. तो 2012 पासून ते हा व्यवसाय करत आहे. त्यांनी फक्त दोन मशीन्सने सुरुवात केली. व्यवसाय पुढे नेण्यासाठी कर्ज घ्यावे लागले. व्यवसाय सुरू झाल्यावर लोकांना त्याची गरज भासू लागली. आता ते 10 जणांना रोजगारही देत ​​आहेत. दरम्यान, त्यांना कोरोना काळात फटका बसल्याचेही त्यांनी यावेळी सांगितले.