Mumbai : मुंबई-जेएनपीए ई-स्पीड बोट सेवा कधीपासून होणार सुरु? समोर आली सर्वात मोठी अपडेट

मुंबईसह अन् भागात एकत्र जोडण्यासाठी अनेक प्रकल्प राबवण्यात येत असून त्यातला एक चर्चेत आलेला म्हणजे ई-स्पीड बोट सेवा. ही ई-स्पीड सेवा सुरु होताच जेएनपीए ते मुंबई प्रवास करण सोप होणार आहे. मात्र या सेवेतील बोटींची चाचणी अजून आठवडाभर होणार आहे त्यानंतर ही सेवा सुरु होईल, अशी माहिती जेएनपीएचे जलवाहतुकीचे नियंत्रक कॅप्टन बाळासाहेब पवार यांनी दिली.

ई-स्पीड बोटची चाचणी करताना त्यात स्पीड बोटचा वेग शिवाय प्रवासी वाहतुकीची क्षमता त्यात भविष्यात येणाऱ्या तांत्रिक अडचणी पाहिल्या जातील.

मुंबईहून जेएनपीए बंदरात अनेक कर्मचारी दररोज कामासाठी जात असतात. पण सध्य स्थितीला तिथं जाण्यासाठी लाकडी बोटीचा मार्ग निवडावा लागतो. जो दररोज कामावर जाणाऱ्या कर्मचाऱ्यांसाठी खर्चिक होत होता शिवाय वेळही जास्त जात होता. त्यावर मार्ग काढण्यासाठी ई-स्पीड बोटीचा पर्याय निवडला होता.