आई-वडील अशिक्षित, परिसरातील पहिली पदवीधर तरुणी बनली सरकारी अधिकारी, बबिताची प्रेरणादायी गोष्ट

बसैठा गावातील काही लोकं शिक्षित आहेत. मात्र, बबिताच्या परिसरातील बहुतांश लोकं हे साक्षर नाहीत. त्यामुळे पदवी आणि पदव्युत्तर पदवीचे शिक्षण घेणारी बबिता ही त्या परिसरातील पहिली तरुणी आहे. तिचे बालपण खूप कठीण परिस्थितीत गेले. तिला दोन भाऊ आणि एक बहीण आहे. तिचे वडील सुरेंद्र कुमार हे कधी 300 तर कधी 500 रुपयांच्या रोजंदारीवर कामाला आहेत. त्यातूनच त्यांचे घर चालते.

बबिताच्या निवडीनतर त्यांच्या आर्थिक परिस्थितीत थोडी सुधारणा झाली. येणाऱ्या काही महिन्यात त्यांचे घरही तयार होईल. मात्र, अद्यापही तिचे वडील मजूरी करतात. पाटणा येथे त्यांची मुलगी कार्यरत असल्याचे त्यांनी सांगितले. अत्यंत कठीण परिस्थितीत हे यश मिळवणारी बबिताची कहाणी ही सर्वांसाठी प्रेरणादायी आहे.