Dhule Crime News : फुगा फुगवताना तोंडातच फुटला, 8 वर्षाच्या डिंपलने काही क्षणातच जीव गमावला

धुळ्यातील यशवंत नगरमध्ये ही घटना घडलीय. . फुगा फुगवताना अचानकच तोंडातच तो फुटला. रबरी फुगा तोंडात फुटल्यानं त्या फुग्याचे तुकडे श्वासनलिकेत अडकल्याने आठ वर्षांच्या चिमूकलीला जीव गमवावा लागला. श्वास घेण्यास त्रास होतोय हे लक्षात येताच घरच्यांनी तिला तातडीने जवळच्या खासगी रुग्णालयात नेले. मात्र, डॉक्टरांनी मुलीस तपासून मृत घोषित केले. आठ वर्षीय डिंपल आपल्या अंगणात खेळत असताना फुगा फुगवताना झालेल्या या दुर्घटनेत तिचा दुर्दैवी मृत्यू झाल्याने संपूर्ण परिसरात हळहळ व्यक्त करण्यात येत आहे.