Crime : हुंड्यात दिली नाही बुलेट, पतीसह सासरच्यांनी गाठली क्रौर्याची परिसीमा; महिलेचा मृतदेह सापडेना

Last Updated:

छळाला विरोध केल्यावर 10 डिसेंबर रोजी सासरच्या लोकांनी ज्योतीदेवीची हत्या केली आणि तिचा मृतदेह गंडक नदीत फेकून दिला.

News18
News18
गोपालगंज, 14 डिसेंबर : हुंड्यासाठी सासरच्या मंडळींनी क्रौर्याची परिसीमा गाठल्याची एक धक्कादायक घटना उघडकीस आली आहे. हुंड्यात बुलेट बाईकची मागणी वधूपक्षाने पूर्ण न केल्याने एका विवाहितेला जीव गमवावा लागला आहे. अवघ्या 20 वर्षीय विवाहित महिलेचा हुंड्यासाठी सासरच्या मंडळींनी जीव घेतला. इतकंच नाही तर तिच्या मृतदेहाचे तुकडे करून नदीत फेकून दिले. ही संतापजनक घटना बिहार राज्यात घडली आहे. या महिलेचा मृतदेह अद्याप सापडलेला नाही. पोलिसांना फक्त तिची चप्पल सापडली आहे. या दुर्दैवी घटनेनंतर परिसरात संताप व्यक्त केला जात आहे.
गोपालगंजमध्ये हुंड्यात बुलेटची मागणी पूर्ण न झाल्याने सासरच्यांनी सुनेची हत्या केल्याची खळबळजनक घटना घडली आहे. हत्येनंतर मृतदेहाचे अनेक तुकडे करून त्यांनी गंडक नदीत फेकून दिल्याचा आरोप आहे. पोलिसांना गंडक नदीच्या पात्रातून महिलेची चप्पल सापडली आहे. ही घटना विशंभरपूर पोलीस स्टेशन हद्दीतील विशंभरपूर गावात घडली. 20 वर्षीय ज्योतीदेवी असे मृत महिलेचे नाव असून, ती विशंभरपूर गावातील रहिवासी मिंटू कुमार याची पत्नी होती.
advertisement
यूपीच्या कुशीनगर जिल्ह्यातील तरेया सुजान पोलीस स्टेशन परिसरातील वाघाचौर गावातील रहिवासी ब्रह्मा सिंह यांनी आरोप केला आहे की त्यांची मुलगी ज्योती देवी हिचं लग्न 6 जून रोजी हिंदू रितीरिवाजांनुसार झालं होतं. लग्नानंतर सासरच्यांनी हुंडा म्हणून बाईकची मागणी केली होती. पण ही मागणी पूर्ण न झाल्याने महिलेचा पती मिंटू कुमार व सासरची मंडळी अरविंद प्रसाद, मिता कुंवर यांनी तिच्यावर दबाव आणण्यास सुरुवात केली. तसेच तिचा छळही केला.
advertisement
छळाला विरोध केल्यावर 10 डिसेंबर रोजी सासरच्या लोकांनी ज्योतीदेवीची हत्या केली आणि तिचा मृतदेह गंडक नदीत फेकून दिला. या प्रकरणाची माहिती मिळताच ज्योतीदेवीचे वडील 11 डिसेंबर रोजी पोलीस ठाण्यात पोहोचले आणि त्यांनी याबाबत माहिती घेतली. नंतर 12 डिसेंबर रोजी त्यांनी मुलीच्या सासरच्या मंडळींविरोधात तक्रार दाखल केली. या घटनेचा तपास करण्यासाठी पोलीस पोहोचले असता सर्व आरोपी त्यांच्या राहत्या घरातून फरार असल्याचं आढळून आलं. पोलिसांनी एसडीआरएफच्या मदतीने गंडक नदीत शोधमोहीम राबवली, मात्र ज्योतीदेवीचा मृतदेह सापडू शकलेला नाही. तिचा मृतदेह नदीत शोधण्याचं काम चालू आहे.
advertisement
view comments
मराठी बातम्या/क्राइम/
Crime : हुंड्यात दिली नाही बुलेट, पतीसह सासरच्यांनी गाठली क्रौर्याची परिसीमा; महिलेचा मृतदेह सापडेना
Next Article
advertisement
Angar Nagar Panchayat: राज्यात चर्चांमुळे गाजलेल्या अनगर नगराध्यक्ष निवडणुकीला ब्रेक! जिल्हाधिकाऱ्यांचे आदेश, नेमकं चाललंय काय?
गाजलेल्या अनगर नगराध्यक्ष निवडणुकीला ब्रेक! जिल्हाधिकाऱ्यांचे आदेश, कारण काय?
  • गाजलेल्या अनगर नगराध्यक्ष निवडणुकीला ब्रेक! जिल्हाधिकाऱ्यांचे आदेश, कारण काय?

  • गाजलेल्या अनगर नगराध्यक्ष निवडणुकीला ब्रेक! जिल्हाधिकाऱ्यांचे आदेश, कारण काय?

  • गाजलेल्या अनगर नगराध्यक्ष निवडणुकीला ब्रेक! जिल्हाधिकाऱ्यांचे आदेश, कारण काय?

View All
advertisement