लग्नाची पहिली रात्र, बेडरूममध्ये लावला हिडन कॅमेरा, दुबईतल्या मित्रांना Video पाठवून नराधम पती पळाला

सय्यदने लग्नाच्या पहिल्या रात्री बेडरूममध्ये छुपे कॅमेरे लावले होते, यातून त्याने बेडरूममधले खासगी क्षणांचे काही व्हिडिओदेखील बनवले, यानंतर त्याने हे व्हिडिओ दुबईमधील त्याच्या मित्रांना पाठवले. तसंच सय्यदने आपल्या मित्रांसोबत संबंध ठेवायला भाग पाडले, असा खळबळजनक आरोप पीडित महिलेने केला आहे. महिलेच्या या आरोपानंतर पोलिसांनी सय्यदविरुद्ध गुन्हा दाखल केला आहे.

एवढं सगळं होऊनही सय्यदचं समाधान झालं नाही आणि त्याने भारताबाहेरील मित्रांसोबत शारीरिक संबंध ठेवण्यासाठी दबाव आणला. आपण जेव्हा याला विरोध केला तेव्हा त्याने व्हिडिओ सोशल मीडियावर व्हायरल करण्याची धमकी दिली.

'जेव्हा मला हे कळले तेव्हा माझे सय्यदशी भांडण झाले. त्यानंतर त्याने मला ब्लॅकमेल करायला सुरुवात केली. त्याने मला इतर पुरुषांसोबत संबंध ठेवण्यास भाग पाडले. तो उघडपणे सांगायचा की त्याचे 19 महिलांसोबत अवैध संबंध आहेत. तू माझे काहीही करू शकत नाही. जेव्हा मी माझ्या कुटुंबाला याबद्दल सांगितले तेव्हा ते मला भेटायला आले. पण माझ्या पतीने मला त्यांना भेटू दिले नाही आणि घटस्फोटाची धमकी देऊ लागला', असं पीडित महिला म्हणाली आहे.

अखेर, कंटाळून, पीडितेने पोलिस ठाण्यात जाऊन गुन्हा दाखल केला. सय्यद सध्या फरार असून पोलीस आता त्याचा शोध घेत आहेत.