'I am Sorry, माझ्या मृत्यूला...', विद्यापीठातील वसतिगृहात विद्यार्थिनीने संपवलं आयुष्य, दोघांवर आरोप करत लिहिली शेवटची चिठ्ठी!

माहिती मिळताच नॉलेज पार्क कोतवाली पोलिसांनी तात्काळ घटनास्थळी धाव घेतली. पोलिसांनी मृतदेह ताब्यात घेऊन पोस्टमॉर्टमसाठी पाठवला आहे. महत्त्वाचे म्हणजे, पोलिसांना घटनास्थळी एक सुसाईड नोट मिळाली असून, त्यात विद्यार्थिनीने आपल्या शिक्षकांवर छळाचा गंभीर आरोप केला आहे.

मिळालेल्या माहितीनुसार, ज्योतीने आपल्या सुसाईड नोटमध्ये स्पष्टपणे लिहिले आहे की, "जर माझा मृत्यू झाला, तर यासाठी पीसीपी (Pre-Clinical Pathology) आणि डेंटल कोर्सचे शिक्षक जबाबदार असतील. मला त्यांना तुरुंगात पाहायचे आहे. त्यांनी मला मानसिकदृष्ट्या खूप त्रास दिला. त्यांनी माझा अपमान केला. त्यांच्यामुळे मी बऱ्याच काळापासून तणावात होते. त्यांनाही हेच सहन करावे लागो, अशी माझी इच्छा आहे.", असं तरुणीने अखेरच्या चिठ्ठीत लिहिलंय.

दरम्यान, एका मीडिया रिपोर्टनुसार, पोलिसांनी युनिव्हर्सिटीमधील काही जणांना ताब्यात घेतले असून, त्यांची चौकशी सुरू आहे. या घटनेची सखोल चौकशी सुरू असून, दोषींवर कठोर कारवाईची मागणी होत आहे.