Chhatrapati Sambhajinagar : 12 दिवसांपासून काहीच जाणलं नाही, मात्र शेतातून येणाऱ्या दुर्गंधीचा मागोवा घेतला अन् समोर आलं थरकाप उडवणारं दृश्य

‎नांदेडा गावालगतच्या शेतवस्ती भागात शुक्रवारी (7 नोव्हेंबर) सकाळी ही धक्कादायक घटना उघडकीस आली. तूर पिकावर फवारणीसाठी गेलेल्या शेतकऱ्याला दुर्गंधी येऊ लागल्याने त्याने झाडाजवळ पाहिले असता एक व्यक्ती दोरीच्या साहाय्याने पळसाच्या झाडाला लटकलेल्या अवस्थेत दिसून आली.

‎दुसरी घटना विटावातील शितलनगर परिसरात घडली. येथील रहिवासी असलेल्या प्रीतम साईनाथ कर्डिले (वय 19) याने शुक्रवारी सायंकाळी 6 च्या सुमारास घरातील सिलिंगला असलेल्या हुकाला दोरी बांधून गळफास घेतल्याचा धक्कादायक प्रकार समोर आला. ही बाब लक्षात येताच ऋषिकेश मुळे आणि बद्रीनाथ बोराडे यांनी त्याला तातडीने घाटी रुग्णालयात दाखल केले. मात्र, वैद्यकीय तपासणीनंतर डॉक्टरांनी त्याला मृत घोषित केले. आत्महत्येमागील कारण अद्याप स्पष्ट झालेले नाही. ‎एकाच दिवशी घडलेल्या या दोन घटनांनी वाळूज परिसर सुन्न झाला असून पोलिस पुढील तपास करत आहेत.