VIDEO: भारतीय तरुणाचा फ्लाइटमध्ये मोठा कांड, सीटवरून उठला अन् गळा दाबला, रक्ताळलेल्या चेहऱ्याने घेतली सेल्फी

मिडिया वृत्तानुसार, विमानातच ईशान आणि कीनूमध्ये हाणामारी झाली. या भांडणात ईशानचा डोळा सुजला आणि त्याच्या भुवयाला दुखापत झाली. कीनूच्या चेहऱ्यावरही ओरखडे पडले. या संपूर्ण भांडणाचा व्हिडीओ आता सोशल मीडियावर मोठ्या प्रमाणात व्हायरल होत आहे. व्हिडिओमध्ये, एक प्रवासी ओरडतो- "त्याला जाऊ द्या, त्याला सोडा," तर क्रू मेंबर्स म्हणत होते- "सर, तुम्हाला बसावे लागेल." व्हिडीओमध्ये स्पष्टपणे दिसत आहे की विमान हवेत असताना दोघांमध्ये राडा सुरू आहे.

या घटनेबाबत प्रतिक्रिया देताना केनू इव्हान्सने सांगितलं की, विमानाने उड्डाण घेताच ईशान विचित्र वागू लागला. तो अचानक विचित्रपणे हसायला लागला आणि धमक्या देऊ लागला. इव्हान्स म्हणाला, “तो म्हणत होता की, तू एक क्षुद्र माणूस आहेस. तू मला खुन्नस दिली तर तुला मरावं लागेल’.

इव्हान्सने पुढे सांगितले की, जेव्हा इशानचे वर्तन अधिक विचित्र झाले. तेव्हा त्याने फ्लाइट क्रूला अलर्ट केलं. क्रूने सांगितले की जर असे पुन्हा घडले तर अलर्टचं बटण दाबा. काही वेळाने, ईशान पुन्हा त्याच्या समोर आला आणि इव्हान्सच्या कपाळाला हात लावून त्याला धमकावू लागला. नंतर त्याने इव्हान्सचा गळा दाबण्याचा प्रयत्न केला.

मारामारीनंतर ईशान त्याच्या जागेवर परतला आणि विचित्रपणे हसू लागला. धक्कादायक गोष्ट म्हणजे त्याने त्याच्या रक्ताने माखलेल्या चेहऱ्यासह सेल्फी देखील काढला. हे विमान मियामीला पोहोचल्यानंतर पोलिसांनी हातकडी लावून त्याला विमानातून खाली उतरवले.