crime : 'कालिमाता तुझा नाश करेल.' बायकोनं पतीला दिला शाप आणि सोडलं घर, असं काय घडलं दोघांमध्ये?

जयपूर, 22 डिसेंबर : भारतामध्ये देवभोळ्या लोकांची संख्या अजिबात कमी नाही. काही जण खरोखर देवभोळी असतात, तर काहीजण देवाच्या नावाखाली आपला स्वार्थ साधून घेतात. जयपूरमधली एक व्यक्ती मात्र या प्रकारामुळे चांगलीच गोंधळली आहे. या व्यक्तीची पत्नी त्याच्या नावे एक विचित्र पत्र लिहून घरातून बेपत्ता झाली आहे. 'कालिमाता तुझा नाश करेल, मला तुझ्याशी काही देणंघेणं नाही...' असे शब्द त्या पत्रात लिहिलेले आहेत. घरातून निघून जाताना पत्नीने घरातला कालिदेवीचा फोटोही सोबत नेला आहे. जयपूरमधल्या शास्त्रीनगर भागात ही घटना घडली आहे.