Crime News : कोमल निघाली बेवफा! 5 वरांशी केले लग्न, हनिमूनही साजरा केला पण.. घटनेने राज्यात खळबळ

या प्रकरणी कृषी तज्ज्ञ पलक्षैया यांनी नोव्हेंबर 2023मध्ये गुब्बी पोलिसांकडे तक्रार केली होती. पलक्षैया यांचा मुलगा दयानंद याचं लग्न कोमल नावाच्या मुलीशी ऑक्टोबर 2023मध्ये झाले होते. पलक्षैया यांचा मित्र बसवराजू याने त्यांची लक्ष्मी नावाच्या महिलेशी ओळख करून दिली होती. ती मॅरेज एजंट असल्याचं त्यांना सांगण्यात आलं होतं. लग्न ठरल्यानंतर कोमल तिच्या साथीदारांसोबत पलक्षैया यांच्या घरी आली होती. त्या वेळी सिद्धप्पा आणि लक्ष्मी शंभूलिंगाही उपस्थित होते. या दोघांनी स्वतःला कोमलचे मामा आणि मामी असल्याचं सांगितलं होतं. त्या वेळी पलक्षैया यांनी लक्ष्मीला लग्न जमवण्याची रक्कम म्हणून अडीच लाख रुपये दिले.

पोलिसांनी या प्रकरणाचा छडा लावला असून, संबंधित टोळीला पकडलं आहे. या टोळीनं आणखी चार जणांची फसवणूक केल्याचं समोर आलं आहे. यामध्ये महाराष्ट्रात मिरजमध्ये राहणाऱ्या तरुणाचादेखील समावेश आहे. या टोळीतले काही जण फरार असून, त्यांचा शोध पोलिसांकडून सुरू आहे.