Kolhapur News: गरीब महिलेला दाखवलं पैशांचं आमिष, 'त्या' लाॅजवर सुरू झालं भलतंच, पोलिसांना मिळाली टिप अन्...

पोलिसांकडून मिळालेली माहिती अशी की, गडहिंग्लज शहरातील गणेश लाॅजवर वेश्या व्यवसाय सुरू असल्याची माहिती पोलिसांना मिळालेली होती. तिथे एका गरीब महिलेला पैशांचे आमिष दाखवून वेश्या व्यवसाय करवून घेत असल्याची प्राथमिक माहिती होती. माहिती मिळताच गडहिंग्जल आणि इचरकरंजी पोलिसांनी संयुक्तपणे गणेश लाॅजवर छापा टाकला.

या कारवाईत चौघांविरुद्ध गुन्हा दाखल करण्यात आला आहे. तर पीडित महिलेची पोलिसांनी सुटका केली आहे. लाॅज मालक अशोक भीमराव गवळी (वय-66, तोरगल्ली, महालक्ष्मी मंदिराजवळ, गडहिंग्लज), मारुती बाळकू पाटील (वय-22, जक्कनहट्टी, ता. चंदगड), सागन अभिमन्यू मांग (वय-38, रा. कडलगे, ता. गडहिंग्लज) आणि मंजुनाथ सुरेश काळाई (वय-40, मुत्नाळ, ता. गडहिंग्लज), अशी आरोपींची नावे आहेत.