Nagpur Crime : दारुचा ग्लास हातातून पडला अन् जीव गमावला, गुत्यावरील धक्कादायक घटना

वृषभ फरकुंडे, प्रतिनिधी, नागपूर: मागील काही काळापासून गुन्हेगारीच्या भयंकर घटना समोर येत आहेत. छोट्या कारणांनी, छोट्या वादांमुळे लोक एकमेकांच्या जीवावर उठले आहेत. अशीच एक घटना नागपूरमध्ये समोर आली आहे. खडगाव मार्गावरील सायरे देशी दारू गुत्त्यावर मंगळवारी रात्री घडलेल्या घटनेने संपूर्ण परिसरात खळबळ उडवून दिली आहे. दारू पिण्यासाठी गेलेल्या 27 वर्षीय तरुणाच्या हातून दारूचा ग्लास फुटल्याने संतप्त गुत्त्यावरील कर्मचाऱ्यांनी त्याला बेदम मारहाण केली. या मारहाणीत गंभीर जखमी झालेल्या तरुणाचा उपचारादरम्यान मृत्यू झाला. या प्रकरणी पोलिसांनी पाच आरोपींना अटक केली आहे.