ऑनलाईन जीवनसाथी निवडला, तोच निघाला ठग, IT तल्या तरुणीला गंडा, कारनामे पाहून सारेच चक्रावले

मुंबई : सध्याच्या काळात ऑनलाईन फसवणुकीचे प्रकार वाढत आहेत. केवळ सर्वसामान्यच नाही तर अगदी उच्चशिक्षित देखील याचे बळी ठरतात. असाच काहीसा प्रकार मुंबईत घडला असून एक आयटीत काम करणारी 29 वर्षीय तरुणीची फसवणूक झालीये. संकेतस्थळावरून निवडलेल्या भावी जीवनसाथीने तिला लग्नाचे आमिष दाखवून लाखोंचा गंडा घातला आहे. विशेष म्हणजे त्याने आणखीही काही तरुणींची फसवणूक केली असून त्याचे कारनामे पाहून सर्वांनाच धक्का बसलाये.