अपघात की घातपात? 4 दिवसांत 2 घटना, ठाण्यात तरुणींचा धावत्या रेल्वेतून पडून होतोय संशयास्पद मृत्यू

ठाणे: ठाणे जिल्ह्याच्या शहापूर तालुक्यात एक धक्कादायक घटना उघडकीस आली आहे. येथील तानशेत खर्डी रेल्वेस्थानकाजवळ धावत्या रेल्वेतून पडून एका तरुणीचा मृत्यू झाला आहे. रात्री १२ च्या सुमारास अशाप्रकारे तरुणीचा मृत्यू झाल्याने परिसरात खळबळ उडाली आहे. या अपघातानंतर रेल्वे पोलिसांच्या मदतीने तरुणीचा मृतदेह शहापूर उपजिल्हा रुग्णालयात आणला आहे. मयत तरुणी नेमकी कोण आहे? ती कुठून आली होती? कुठे चालली होती? याबाबत कसलीही माहिती अद्याप समोर आली नाही. पोलिसांकडून तिची ओळख पटवण्याचं काम सुरू आहे.