Aishwarya Rai : हृदय जिंकलं! पॅरिसमध्ये रडणाऱ्या चाहतीचे ऐश्वर्याने स्वतः पुसले अश्रू; पाहा VIDEO

व्हायरल होत असलेल्या व्हिडिओमध्ये दिसतंय की, ऐश्वर्या मुलीसोबत इमारतीतून बाहेर येते आणि एक महिला चाहती तिला पाहून रडायला लागते. त्या चाहत्याची अवस्था पाहून ऐश्वर्या लगेच तिला मिठी मारते, तिचे अश्रू पुसते आणि तिचं म्हणणं शांतपणे ऐकते. यानंतर, तिने त्या चाहत्याला कॅमेऱ्यासमोर पोजही दिले.

चाहत्यांनी सोशल मीडियावर तिच्या या नम्र स्वभावाचं भरभरून कौतुक केलं. कुणी म्हणालं, "ती फक्त सुंदर नाही तर एक दयाळू पण आहे," तर कुणी म्हणालं, "क्वीन म्हणजे हीच."

दरम्यान, या शोमध्ये ऐश्वर्यासोबत इवा लोंगोरिया, जेन फोंडा, केंडल जेनर, व्हायोला डेव्हिस, हेलेन मिरेन यांसारख्या आंतरराष्ट्रीय स्टार्सही सहभागी होणार आहेत. ऐश्वर्या राय बच्चन L'Oreal Paris ची ग्लोबल ब्रँड अँम्बेसेडर (Global Brand Ambassador) आहेत. या ब्रँडचा 'Le Défilé' नावाचा एक भव्य फॅशन शो पॅरिस फॅशन वीक दरम्यान होतो, ज्यात ती रॅम्प वॉक (Ramp Walk) करणार आहे.